ភ្នាក់ងារប្រឆាំងការប្រើប្រាស់សារធាតុពិភពលោក(WADA)អាចនឹងបោះជំហានទៅមុខមួយថ្មីទៀតដោយចាត់ទុកសារធាតុនីកូទីនស្ថិតនៅក្នុងក្រុមថ្នាំបង្កើនកម្លាំង។ វិធានការថ្មីនេះអាចនឹងកើតមានឡើងអំឡុងនៃកិច្ចប្រជុំពិនិត្យកែប្រែបញ្ជីឈ្មោះសារធាតុហាមឃាត់ក្នុងវិស័យកីឡាដែលរៀបចំដោយWADAផ្ទាល់។
ភ្នាក់ងារប្រឆាំងការប្រើប្រាស់សារធាតុពិភពលោក(WADA)អាចនឹងបោះជំហានទៅមុខមួយថ្មីទៀតដោយចាត់ទុកសារធាតុនីកូទីនស្ថិតនៅក្នុងក្រុមថ្នាំបង្កើនកម្លាំង។ វិធានការថ្មីនេះអាចនឹងកើតមានឡើងអំឡុងនៃកិច្ចប្រជុំពិនិត្យកែប្រែបញ្ជីឈ្មោះសារធាតុហាមឃាត់ក្នុងវិស័យកីឡាដែលរៀបចំដោយWADAផ្ទាល់។
តាមរបាយការណ៍ដែលWADAទទួលបានពីមន្ទីរពិសោធន៍របស់ខ្លួននៅទីក្រុងឡូសាន់ប្រទេសស្វ៊ីសបានពិពណ៌នាពីភស្តុតាងប្រកាសអាសន្នមួយនៃការប្រើប្រាស់នីកូទីនក្នុងចំណោមអត្តពលិកទាំងឡាយដែលតាមការសិក្សារកឃើញគឺមាននៅក្នុង៤៣ប្រភេទកីឡា។ របាយការណ៍នោះបាននិយាយទៀតថា៖«WADAនិងសហព័ន្ធកីឡាផ្សេងទៀតគួរតែវាយតម្លៃរាប់បញ្ចូលនីកូទីនទៅក្នុងបញ្ជីសារធាតុហាមឃាត់។ ដោយគួរឲ្យចាប់អារម្មណ៍ នីកូទីនក៏ជាសារធាតុមួយដែលធ្វើឲ្យជីពចរដើរញាប់ បង្កើនសម្ពាធឈាម បង្កើនជាតិស្ករក្នុងឈាម ព្រមទាំងបង្កើនកម្រិតអ័រម៉ូន Epinephrineផងដែរ»។
គណៈវិនិច្ឆ័យរបស់WADAគ្រោងនឹងជួបប្រជុំគ្នានៅទីក្រុងឡូសាន់ដើម្បីថ្លឹងថ្លែងឲ្យមានការផ្លាស់ប្តូរឋានៈនៃផលិតផលដែលជាថ្នាំប៉ូវកម្លាំង ហើយសេចក្តីសម្រចថ្មីនឹងចូលជាធរមានខែមករាឆ្នាំក្រោយ។ នីកូទីនគឺស្ថិតនៅក្នុងចំណោមសារធាតុដែលគេវាយតម្លៃថាជួយបង្កើនកម្លាំងមានដូចជាកាហ្វេអ៊ីននិងវីយ៉ាហ្គ្រាជាដើម។ ការពិនិត្យទឹកនោមរបស់អត្តពលិកប្រមាណ២១៨៥នាក់គេរកឃើញអត្តពិកប្រមាណ១៥%ប្រើប្រាស់នីកូទីន។
កីឡាករវាយកូនបាល់លើទឹកកក កាយសម្ព័ន្ធ កីឡាករបាល់ឱបនិងស្គីមានភាគរយនៃការប្រើប្រាស់នីកូទីនលើកម្រិតមធ្យម ខណៈដែល១៩%ក្នុងចំណោមកីឡាករបាល់ទាត់ប្រើប្រាស់ក្នុងចំនួនតិចតួចមុនឬអំឡុងការហ្វឹកហាត់។ អ្នកស្រាវជ្រាវនៅមន្ទីរពិសោធន៍បានលើកឡើងថា ថ្នាំជក់ដែលគ្មានផ្សែងគឺជាឱសថដ៏ទាក់ទាញបំផុតដែលនឹងក្លាយជាថ្នាំប៉ូវកម្លាំងទៅថ្ងៃអនាគត។ វាមិនបានបំផ្លាញប្រព័ន្ធដង្ហើមរបស់អ្នកប្រើប្រាស់នោះទេ ៕
ចែករំលែកព័តមាននេះ