អ្នកដំណើរចំនួន៤៥នាក់ បានរត់រួចដោយ គ្មានរបួសស្នាម ពេលរថយន្តបើសរបស់​ពួក​គេ​ត្រូវភ្លើងឆេះក្នុងពេលកំពុងធ្វើដំណើរតាមផ្លូវជា តិលេខ១ កាលពីថ្ងៃត្រង់​ថ្ងៃទី​​៣០ សីហា ២០១១​ ក្នុងខេត្ត​Quang Ngai។ តាមសម្តីអ្នកដំណើរ​បាន​និយាយថា រថ​យន្ត​បឺស​ពេលបើកបរ ក្រោយបន្តិចមកក៏ផ្ទុះឆេះ​ពេល​ឆ្លង​ ចូល​សង្កាត់ Mo Duc ក្នុងខេត្តQuang Ngai។

អ្នកបើកបរបានឈប់រថយន្តបើសភ្លាម ហើយអ្នកដំណើរទាំងអស់ក៏រត់ចេញពីរថយន្ត តាមទ្វារ និងបង្អូចរថយន្ត។ អគ្គីភ័យរថយន្តនេះ ត្រូវក្រុមអ្នកពន្លត់អគ្គី​ភ័យចំណាយ​ពេល២០នាទី ក្នុងការគ្រប់គ្រង់​ភ្លើង​ដែលឆាប​ឆេះបំផ្លាញរថយន្តបើសយ៉ាង​ឆាប់​រហ័ស។​ ទ្រព្យសម្បត្តិរបស់អ្នកដំណើរ​ទាំង​អស់​ត្រូវបំផ្លាញគ្មានសល់​ ហើយបង្កឱ្យ​មាន​ការស្ទះ​ចរាចរណ៍ជាច្រើនម៉ោង​ទៀត​។ ប៉ូលិសកំពុងស៊ើបអង្កេតពីមូលហេតុនៃ​គ្រោះថ្នាក់នេះ៕​