រាជធានីភ្នំពេញ ៖ ក្រុមពិគ្រោះយោបល់បច្ចេកទេសអន្តរក្រសួង ដើម្បីជួយគាំទ្រដល់ការអនុវត្តគម្រោងសាកល្បងការិយាល័យច្រក ចេញចូលតែមួយ និងការិយាល័យប្រជាពលរដ្ឋ កាលពីថ្ងៃទី៣១ សីហា ឆ្នាំ២០១១នេះបានបើកកិច្ចប្រជុំលើកទី៤ នៅសណ្ឋាគារកាំបូឌីយ៉ាណា ដើម្បីពិនិត្យ និងពិភាក្សាលើការងារនេះដែលបាន
រាជធានីភ្នំពេញ ៖ ក្រុមពិគ្រោះយោបល់បច្ចេកទេសអន្តរក្រសួង ដើម្បីជួយគាំទ្រដល់ការអនុវត្តគម្រោងសាកល្បងការិយាល័យច្រកចេញចូលតែមួយ និងការិយាល័យប្រជាពលរដ្ឋ កាលពីថ្ងៃទី៣១ សីហា ឆ្នាំ២០១១នេះបានបើកកិច្ចប្រជុំលើកទី៤ នៅសណ្ឋាគារកាំបូឌីយ៉ាណា ដើម្បីពិនិត្យ និងពិភាក្សាលើការងារនេះដែលបានអនុវត្តកន្លងមកសំដៅត្រៀមសកម្មភាពសំខាន់ៗក្នុងការពង្រីកការិយាល័យច្រកចេញចូលតែមួយនៅរាជធានី ក្រុង ស្រុក ខណ្ឌ បន្តទៀត។ ប៉ុន្តែអ្វីដែលសំខាន់ក្នុងកិច្ចប្រជុំនោះគឺបញ្ហាប្រឈមមួយចំនួនក្នុងការអនុវត្តការងារកន្លងមក ដែលចាំបាច់ត្រូវក្រុមចាំពិគ្រោះយោបល់បច្ចេកទេសអន្តរក្រសួងពិភាក្សា និងរួមគ្នាដោះស្រាយ។
គួររំលឹកថា កិច្ចប្រជុំនោះត្រូវបានរៀបចំឡើងក្រោមអធិបតីភាពលោកសក់ សេដ្ឋា រដ្ឋលេខាធិការក្រសួងមហាផ្ទៃ និងជាប្រធានក្រុមពិគ្រោះយោបល់បច្ចេកទេសអន្តរក្រសួងរួមទាំងសមាជិកក្រុមពិគ្រោះយោបល់បច្ចេកទេសអន្តរក្រសួងទាំងអស់។ លោកសក់ សេដ្ឋា មានប្រសាសន៍ថា ការអនុវត្តគម្រោងការិយាល័យច្រកចេញចូលតែមួយ និងការិយាល័យប្រជាពលរដ្ឋបានអនុវត្តជាង២ឆ្នាំ ហើយបានបង្កើតការិយាល័យច្រកចេញចូលតែមួយនៅក្រុង ស្រុក គោលដៅចំនួន១៥បន្ថែមលើក្រុងបាត់ដំបងនិងក្រុងសៀមរាប ក្នុងនោះយើងបានដាក់ឱ្យដំណើរការជាផ្លូវការចំនួន៧ក្រុង ស្រុកគោលដៅរួចហើយ នាថ្ងៃទី២០ កញ្ញា ឆ្នាំ២០១១។ ចំពោះក្រុងគោលដៅមួយចំនួនទៀតដូចជាក្រុងបាវិត ក្រុងកំពង់ឆ្នាំង ក្រុងពោធិ៍សាត់ ក្រុងខេមរភូមិន្ទ ក្រុងច្បារមន ក្រុងដូនកែវ ក្រុងកំពត ជាដើម តាមផែនការដែលបានត្រៀមទុកក៏នឹងប្រកាសដាក់ឱ្យដំណើរការជាផ្លូវការនៅខែកញ្ញានេះផងដែរ។
លោកសក់ សេដ្ឋា មានប្រសាសន៍បន្តថា យោងតាមស្មារតីនៃកិច្ចប្រជុំនាពេលនេះអស់លោកដែលជាសមាជិក ក្រុមពិគ្រោះយោបល់ បច្ចេកទេស អន្តរក្រសួង នឹងធ្វើការពិភាក្សាពិនិត្យមើលអំពីមុខងារនានា ដែលសមស្រប និងធ្វើប្រតិភូកម្មទៅឱ្យក្រុង ស្រុក គោលដៅ ព្រមទាំងជួយរៀបចំ សម្របសម្រួលថ្នាក់ដឹកនាំក្រសួង ដើម្បីដាក់ចេញនូវការប្រកាសប្រតិភូកម្ម និងសេចក្តីណែនាំអំពីការអនុវត្តប្រកាសប្រតិភូទាំងនោះ។
លោកបញ្ជាក់ថា មកដល់ពេលនេះយើងបានប្រកាសប្រតិភូកម្មចំនួន៧ក្រសួង និងស្ថាប័នរួចហើយដែលរួមមាន ក្រសួងវប្បធម៌ វិចិត្រសិល្បៈ, ក្រសួងពាណិជ្ជកម្ម, ក្រសួងឧស្សាហកម្មរ៉ែ និងថាមពល, ក្រសួងរៀបចំដែនដីនគរូបនីយកម្ម និងសំណង់, ក្រសួងសាធារណការ និងដឹកជញ្ជូន, ក្រសួងទេសចរណ៍ និងក្រសួងកសិកម្ម រុក្ខាប្រមាញ់ និងនេសាទ។ ក្រៅពីនោះអំពីប្រកាសប្រតិភូកម្មមុខងាររបស់ក្រសួង ស្ថាប័នទាំង៧ខាងលើនេះ រដ្ឋបាលខេត្តគោលដៅនីមួយៗក៏បានដាក់ចេញនូវសេចក្តីសម្រេចធ្វើប្រតិភូកម្មលើការងារនីត្យានុកូលកម្មទៅឱ្យក្រុង ស្រុកគោលដៅ រួចហើយផងដែរ។
លោកចាត់ទុកអ្វីខាងលើនេះជាសមិទ្ធផលដ៏ធំធេងមួយប្រកបដោយឆន្ទៈដ៏មុតមាំ និងការប្តេជ្ញាចិត្តខ្ពស់បំផុត ក្នុងការរួមចំណែកអនុវត្តគោលនយោបាយរបស់រាជរដ្ឋាភិបាលក្នុងកិច្ចការកំណែទម្រង់ការផ្តល់សេវាសាធារណៈក្នុងគោលដៅបម្រើប្រជាពលរដ្ឋឱ្យកាន់តែប្រសើរឡើង។ ប៉ុន្តែយ៉ាងណាក៏ដោយនៅក្នុងដំណាក់កាលដំបូងនៃការអនុវត្តនេះ យើងជួបនូវបញ្ហាប្រឈមជាច្រើន ហើយជាសំខាន់នោះគឺនេះជាកិច្ចការថ្មី និងរបៀបរបបថ្មីសម្រាប់យើង។
លោកចាន់ សុធា អនុប្រធាននាយកដ្ឋានបុគ្គលិក និងបណ្តុះបណ្តាលវិជ្ជាជីវ និងជាប្រធានគ្រប់គ្រងគម្រោងច្រកចេញចូលតែមួយបានលើកឡើងនូវបញ្ហាប្រឈមមួយចំនួនក្នុងការអនុវត្តគម្រោងដោយរួមមាន សមត្ថភាពមន្ត្រីជំនាញនៅមានកម្រិត ការផ្សព្វផ្សាយព័ត៌មានដល់ប្រជាពលរដ្ឋតាមក្រុង ស្រុក គោលដៅ ពុំបានគ្រប់គ្រាន់ ការគាំទ្រ ការសម្របសម្រួល និងកិច្ចការទំនាក់ទំនងរវាងក្រុង-ស្រុកគោលដៅជាមួយខេត្ត មន្ទីរអង្គភាពពាក់ព័ន្ធពុំទាន់បានល្អប្រសើរនៅឡើយ៕
ចែករំលែកព័តមាននេះ