ក្រុមប្រឹក្សាជាតិបណ្តោះអាសន្នលីប៊ី CNT ជាអង្គការនយោបាយរបស់ពួកឧទ្ទាមលីប៊ី កាលពីថ្ងៃទី៣០ សីហា ចាត់ទុកឥរិយាបថរបស់អាល់ហ្សេរីថា ខ្ជីខ្ជាធ្វើសកម្មភាពប្រឆាំងនឹងផលប្រយោជន៍របស់ប្រជាជនលីប៊ីដោយទទួលពួកកូនៗរបស់មេដឹកនាំត្រូវផ្តួលរំលំលោកមូអាម៉ាកាដាហ្វី ។ អ្នកនាំពាក្យរបស់ CNT លោក GUMA AL-GAMATY
ក្រុមប្រឹក្សាជាតិបណ្តោះអាសន្នលីប៊ី CNT ជាអង្គការនយោបាយរបស់ពួកឧទ្ទាមលីប៊ី កាលពីថ្ងៃទី៣០ សីហា ចាត់ទុកឥរិយាបថរបស់អាល់ហ្សេរីថា ខ្ជីខ្ជាធ្វើសកម្មភាពប្រឆាំងនឹងផលប្រយោជន៍របស់ប្រជាជនលីប៊ីដោយទទួលពួកកូនៗរបស់មេដឹកនាំត្រូវផ្តួលរំលំលោកមូអាម៉ាកាដាហ្វី ។ អ្នកនាំពាក្យរបស់ CNT លោក GUMA AL-GAMATY ថ្លែងនៅទីក្រុងឡុងថា រដ្ឋាភិបាលអាល់ហ្សេរីមានការខ្ជីខ្ជាខ្លាំងណាស់ដែលធ្វើការប្រឆាំងនឹងផលប្រយោជន៍របស់ប្រជាជនលីប៊ី ។ អាល់ហ្សេរីត្រូវគិតដល់អនាគត ព្រោះលោកកាដាហ្វី និងពួកកូនៗពេលនេះអ្វីៗត្រូវចប់ហើយ ។
កូនប្រុស២នាក់របស់លោកកាដាហ្វី កូនស្រីម្នាក់ និងភរិយាទី២បានចូលមកដល់អាល់ហ្សេរីកាលពីថ្ងៃទី២៩ សីហា ដោយអាល់ហ្សេរីអះអាងថា ទទួលពួកគេដោយសារហេតុផលមនុស្សធម៌សុទ្ធសាធ ។ លោក GUMA AL GAMATY ថ្លែងតាមទូរទស្សន៍អង់គ្លេស SKY NEWS ថា យើងមានបញ្ហាជាមួយកូនប្រុស២នាក់របស់លោកកាដាហ្វីគឺហានីបាល់ និងម៉ូហាម៉េដ ។ តុលាការលីប៊ីតាមរកពួកគេ ដើម្បីកាត់ទោសពីបទគ្រប់គ្រងមិនល្អ ពង្វាងលួច និងផ្ទេរយកប្រាក់សាធារណៈយ៉ាងច្រើន។ ប្រាក់ទាំងនោះអាចមានដល់ជាច្រើនពាន់លានដុល្លារ ។
លោក AL GAMATY វាយតម្លៃម្យ៉ាងទៀតថា ឥរិយាបថរបស់អាល់ហ្សេរីរយៈពេលប៉ុន្មានខែចុងក្រោយនេះចំពោះលីប៊ីជាអំពើឈ្លានពានមួយ ។ យើងមានភស្តុតាងដែលបង្ហាញថា រដ្ឋាភិបាលអាល់ហ្សេរីអនុញ្ញាតឱ្យបណ្តារថយន្តមែរ សឺដេស ឆ្លងកាត់ចូលដែនដីខ្លួន ។ អាល់ហ្សេរីអនុញ្ញាតឱ្យដឹកជញ្ជូនប្រេង និងអាវុធមកលីប៊ីរយៈពេល៦ខែចុងក្រោយនេះ ។ ប្រទេសនេះឱ្យលោកកាដាហ្វីខ្ចីយន្តហោះ៧គ្រឿងកាលពីខែកុម្ភៈ និងខែមីនា ដើម្បីអាចដឹកពួកទាហានស៊ីឈ្នួលមកលីប៊ី ។ អាល់ហ្សេរី នឹងបិទព្រំដែនមួយផ្នែករបស់ខ្លួនជាមួយលីប៊ី ខណៈក្រុមប្រឹក្សាបណ្តោះអាសន្នលីប៊ីបញ្ចេញប្រតិកម្ម ដោយកំហឹងចំពោះការទទួលយកភរិយាលោកកាដាហ្វី និងកូន៣នាក់ជ្រកកោនក្នុងប្រទេសខ្លួន៕
ចែករំលែកព័តមាននេះ