ខេត្តកំពង់ចាម ៖ ដីឡូត៍មួយកន្លែងរបស់ឈ្មោះគាំ ភេទប្រុស នៅភូមិជើងឡង សង្កាត់សួង ក្រុងសួង ដែលបើកលេងប៊ូលបង្កប់ទៅដោយល្បែងបៀ ចំនួន៣វង់ បានត្រូវកម្លាំងនគរបាលខេត្តចុះបង្រ្កាប កាលពីវេលាម៉ោង២រសៀល ថ្ងៃទី៣០ សីហា និងចាប់បានអ្នកលេងចំនួន៧នាក់ បញ្ជូនមកកាន់ស្នងការដ្ឋានខេត្ត។
ខេត្តកំពង់ចាម ៖ ដីឡូត៍មួយកន្លែងរបស់ឈ្មោះគាំ ភេទប្រុស នៅភូមិជើងឡង សង្កាត់សួង ក្រុងសួង ដែលបើកលេងប៊ូលបង្កប់ទៅដោយល្បែងបៀ ចំនួន៣វង់ បានត្រូវកម្លាំងនគរបាលខេត្តចុះបង្រ្កាប កាលពីវេលាម៉ោង២រសៀល ថ្ងៃទី៣០ សីហា និងចាប់បានអ្នកលេងចំនួន៧នាក់ បញ្ជូនមកកាន់ស្នងការដ្ឋានខេត្ត។
លោកវរសេនីយ៍ត្រី សុក សំបូរ នាយការិយាល័យព្រហ្មទណ្ឌកម្រិតស្រាលខេត្ត បានឲ្យដឹងថា ក្រុមអ្នកញៀនល្បែងទាំង៧នាក់ ដែលត្រូវឃាត់ខ្លួនបានរួមមាន ១-ឈ្មោះចាន់ សារឿន ភេទប្រុស អាយុ៥១ឆ្នាំ រស់នៅរាជធានីភ្នំពេញ ២-ឈ្មោះលី ផេង ភេទប្រុស អាយុ៣៥ឆ្នាំ ៣-ឈ្មោះសុខ ហឿន ភេទប្រុស អាយុ៣៨ឆ្នាំ ៤-ឈ្មោះង្វៀង ទៀងហាយ ភេទប្រុស អាយុ៣៧ឆ្នាំ ៥-ឈ្មោះយូ អៀវ ភេទប្រុស អាយុ៥៣ឆ្នាំ ៦-ឈ្មោះម៉ៅ ដក ភេទប្រុស អាយុ៥៥ឆ្នាំ និង៧-ឈ្មោះវ៉ា សាវី ភេទប្រុស អាយុ៣៩ឆ្នាំ ៦នាក់ក្រោយនេះរស់នៅភូមិជើងឡង សង្កាត់សួង ក្រុងសួង ។
លោកនាយការិយាល័យបន្តថា មុននឹងមានការបង្ក្រាបនេះ គឺប្រជាពលរដ្ឋបានរាយការណ៍ហើយលោកក៏បានសុំគោលការណ៍ពីលោកឧត្តមសេនីយ៍ត្រី ឆាយ គឹមសុន ស្នងការនគរបាលខេត្ត ដើម្បីធ្វើការបង្រ្កាប។ នារសៀលថ្ងៃទី៣០ សីហា លោកវរសេនីយ៍ត្រី ចាន់ ហោ អនុប្រធានការិយាល័យកណ្តាលយុត្តិធម៌ខេត្តបានដឹកនាំកម្លាំងចុះទៅបង្រ្កាប ដែលក្រៅពីឃាត់ខ្លួនមនុស្សបាន៧នាក់ គឺនៅរឹបអូសបានតុសម្រាប់លេងបៀចំនួន៣ បៀ៣ហ៊ូ និងជើងម៉ាជ័រមួយចំនួន។
លោករៀល សុភិន ព្រះរាជអាជ្ញារងអមសាលាដំបូងខេត្តមានប្រសាសនថា ក្នុងប្រតិបត្តិការចុះបង្រ្កាបល្បែងស៊ីសងនៅក្រុងសួង នេះលោកបានចាត់ឲ្យមន្រ្តីក្រឡាបញ្ជីម្នាក់ចុះទៅសហការជាមួយនឹងនគរបាលខេត្ត ហើយក្រុមអ្នកលេងល្បែងទាំង៧នាក់ នឹងមិនដោះលែងទៅវិញទេ គឺត្រូវតែបញ្ជូនមកសាលាដំបូងខេត្ត ដើម្បីចាត់ការតាមច្បាប់ ៕
ចែករំលែកព័តមាននេះ