ប្រភពព័ត៌មានមួយរបស់អាជ្ញាធរមូលដ្ឋានអាល់ហ្សេរី រាយការណ៍ថា កូនស្រីរបស់លោកមូអាម៉ា កាដាហ្វី នាងអៃសា ដែលចូលមកដល់អាល់ហ្សេរី កាលពីព្រឹកថ្ងៃទី២៩ សីហា មកពីលីប៊ីកើតបានកូនស្រីមួយកាលពីព្រឹកថ្ងៃទី៣០ សីហា នៅទីក្រុង DJANET ជាទីក្រុងមួយនៃខេត្តអ៊ីល លីហ្ស៊ី ភាគអាគ្នេយ៍អាល់ហ្សេរី ។
ប្រភពព័ត៌មានមួយរបស់អាជ្ញាធរមូលដ្ឋានអាល់ហ្សេរី រាយការណ៍ថា កូនស្រីរបស់លោកមូអាម៉ា កាដាហ្វី នាងអៃសា ដែលចូលមកដល់អាល់ហ្សេរី កាលពីព្រឹកថ្ងៃទី២៩ សីហា មកពីលីប៊ីកើតបានកូនស្រីមួយកាលពីព្រឹកថ្ងៃទី៣០ សីហា នៅទីក្រុង DJANET ជាទីក្រុងមួយនៃខេត្តអ៊ីល លីហ្ស៊ី ភាគអាគ្នេយ៍អាល់ហ្សេរី ។ នាងអៃសា បានទៅដល់ខេត្តអ៊ីលលីហ្ស៊ី កាលពីព្រឹកថ្ងៃទី២៩ សីហា រួមជាមួយម្តាយលោកស្រីសាហ្វីយ៉ា បងប្រុសគេ២នាក់ និងពួកចៅៗលោកកាដាហ្វី ។ នេះជាការអះអាងកាលពីថ្ងៃទី២៩ សីហា នោះរបស់ក្រសួងការបរទេសអាល់ហ្សេរីក្នុងសេចក្តីប្រកាសមួយ។
ក្នុងសេចក្តីប្រកាសមួយចេញផ្សាយដោយទីភ្នាក់ងារព័ត៌មានផ្លូវការអាល់ហ្សេរី APS ក្រសួងការបរទេសអាល់ហ្សេរីបញ្ជាក់ថា ភរិយា លោកកាដាហ្វី លោកស្រីសាហ្វីយ៉ា កូនស្រីនាងអៃសា និងកូនប្រុស២នាក់ ហានីបាល់ និងម៉ូហាម៉េដអមដោយកូនៗរបស់ពួកគេបានចូលដល់ដែនដីអាល់ហ្សេរីនាវេលាម៉ោង៨ និង៤៥នាទីព្រឹកកាត់ព្រំដែនអាល់ហ្សេរី-លីប៊ី ។
អ្នកនាំពាក្យរបស់ពួកឧទ្ទាមលីប៊ី លោកម៉ាមូដ សាមម៉ាម ថ្លែងទៅកាន់ក្រុមអ្នកកាសែតកាលពីថ្ងៃទី៣០ សីហា នៅក្រុងទ្រីប៉ូលី ថា ពួកឧទ្ទាមបានទាមទាររួចហើយឱ្យធ្វើបត្យាប័ន បណ្តាសមាជិកគ្រួសារលោកកាដាហ្វី ដើម្បីយកមកកាត់ទោសនៅមុខតុលាការលីប៊ី ។ អាល់ហ្សេរីថ្លែងថា បណ្តាសមាជិកគ្រួសរលោកកាដាហ្វីត្រូវបានអនុញ្ញាតឱ្យស្ថិតនៅក្នុងប្រទេសនេះដោយសារហេតុផលមនុស្សធម៌ ៕
ចែករំលែកព័តមាននេះ