យោងតាមតុល្យការចុងក្រោយមួយថា ផ្នែកដឹកជញ្ជូនត្រូវបានស្តារឡើងវិញកាលពីថ្ងៃទី៣០ សីហា ក្នុងផ្នែកមួយយ៉ាងធំនៃតំបន់ឆ្នេរសមុទ្រភាគខាងកើតសហរដ្ឋអាមេរិក ទោះបីជាទីក្រុងទាំងឡាយនៅមានទឹកជន់លិច ហើយគ្រួសារជាច្រើនពុំទាន់មានភ្លើងអគ្គិសនីប្រើប្រាស់ ក្រោយការវាយប្រហារនៃព្យុះ IRENE ដែលបណ្តាលឱ្យមនុស្ស
យោងតាមតុល្យការចុងក្រោយមួយថា ផ្នែកដឹកជញ្ជូនត្រូវបានស្តារឡើងវិញកាលពីថ្ងៃទី៣០ សីហា ក្នុងផ្នែកមួយយ៉ាងធំនៃតំបន់ឆ្នេរសមុទ្រភាគខាងកើតសហរដ្ឋអាមេរិក ទោះបីជាទីក្រុងទាំងឡាយនៅមានទឹកជន់លិច ហើយគ្រួសារជាច្រើនពុំទាន់មានភ្លើងអគ្គិសនីប្រើប្រាស់ ក្រោយការវាយប្រហារនៃព្យុះ IRENE ដែលបណ្តាលឱ្យមនុស្សស្លាប់ឡើងដល់យ៉ាងតិច៤០នាក់ក្នុងប្រទេសក្តី។
នៅក្រុងញូវយ៉កដែលរាល់មធ្យោបាយដឹកជញ្ជូនសាធារណៈត្រូវបញ្ឈប់កាលពីចុងសប្តាហ៍កន្លងមកនេះ មេត្រូ និងរថយន្តបឺសបានចាប់ដំណើរការវិញចាប់ពីថ្ងៃទី២៩ សីហា ទៅ។ មូលដ្ឋានមួយចំនួនលើកោះ LONG ISLAND នាភាគខាងត្បូងក្រុងញូវយ៉កនៅពុំទាន់មានរថភ្លើងប្រើប្រាស់កាលពីថ្ងៃទី៣០ សីហា ព្រោះផ្លូវដែកនៅមានទឹកជន់លិច។
ព្យុះ IRENE សម្លាប់មនុស្សយ៉ាងតិច៤០នាក់ក្នុងរដ្ឋ១១នៅតំបន់ឆ្នេរសមុទ្រខាងកើតរបស់សហរដ្ឋអាមេរិក។ បណ្តាជនរងគ្រោះត្រូវស្លាប់ជាពិសេសដោយសារដើមឈើបាក់ ឬរលំសង្កត់ ឬត្រូវខ្សែភ្លើងដាច់ធ្លាក់មកដីឆក់។ មុនមកដល់សហរដ្ឋអាមេរិកព្យុះនេះបានសម្លាប់មនុស្សយ៉ាងតិច៥នាក់នៅកោះ HISPANIOLA ។ ព្យុះនេះក្រោយបោកបក់លើសហរដ្ឋអាមេរិកបានទៅដល់ប្រទេសកាណាដា ដែលនៅទីនោះអ្នកបើករថយន្តម្នាក់បាត់ខ្លួនក្រោយការបាក់ផ្លូវថ្នល់នៅកន្លែងមួយចម្ងាយ១០០គីឡូម៉ែត្រភាគឥសានក្រុងម៉ុងរេអាល់ ៕
ចែករំលែកព័តមាននេះ