រាជធានីភ្នំពេញ ៖ អគ្គិភ័យមួយបានឆាបឆេះបន្ទប់កោសជប់ ម៉ាស្សា និងខារ៉ាអូខេ យីហោពេជ្រនិល បង្កឱ្យមានការភ្ញាក់ផ្អើលយ៉ាងខ្លាំង ហើយស្ត្រីបម្រើនៅទីនោះភ័យស្លន់ស្លោខ្លះចោមពង់ រត់ប្រសេកប្រសាច ប៉ុន្តែទោះបីបែបណា ភ្លើងបានរលត់ទៅវិញបន្ទាប់ពីគេប្រើបំពង់ឧស្ម័នពន្លត់អគ្គិភ័យ អស់ចំនួន៦បំពង់ និងមាន
រាជធានីភ្នំពេញ ៖ អគ្គិភ័យមួយបានឆាបឆេះបន្ទប់កោសជប់ ម៉ាស្សា និងខារ៉ាអូខេ យីហោពេជ្រនិល បង្កឱ្យមានការភ្ញាក់ផ្អើលយ៉ាងខ្លាំង ហើយស្ត្រីបម្រើនៅទីនោះភ័យស្លន់ស្លោខ្លះចោមពង់ រត់ប្រសេកប្រសាច ប៉ុន្តែទោះបីបែបណា ភ្លើងបានរលត់ទៅវិញបន្ទាប់ពីគេប្រើបំពង់ឧស្ម័នពន្លត់អគ្គិភ័យអស់ចំនួន៦បំពង់ និងមានអន្តរាគមន៍ពីរថយន្តពន្លត់អគ្គិភ័យចំនួន២គ្រឿង ដែលប្រចាំការនៅសាលាខណ្ឌដង្កោ។
ហេតុការណ៍នោះបានកើតឡើងកាលពីវេលាម៉ោង៥និង៤០នាទីល្ងាចថ្ងៃទី៣០ សីហា ២០១១ នៅបន្ទប់កោសជប់ ម៉ាស្សា និងខារ៉ាអូខេ ពេជ្រនិល ដែលមានទីតាំងស្ថិតនៅតាមបណ្តោយផ្លូវជាតិលេខ៤ ភូមិព្រៃបឹង សង្កាត់កន្ទោក ខណ្ឌដង្កោ ។
សមត្ថកិច្ចបានឱ្យដឹងថា ម្ចាស់ហាងកោសជប់ ម៉ាស្សា ខារ៉ាអូខេ នោះឈ្មោះគង់ អេងឈាង ភេទប្រុស អាយុ៣២ឆ្នាំ មុខរបរបើកហាងនោះផង និងជាអង្គរក្សផងដែរ។
តាមប្រភពព័ត៌មានបានឱ្យដឹងថា នៅមុនពេលកើតហេតុ មានការទុស្សេខ្សែភ្លើងចេញពីពិតានបន្ទប់មួយដែលស្ថិតនៅជាន់ទី១ ដែលតាមការអះអាងថា ជាបន្ទប់ម៉ាស្សា ដោយភ្លើងបានឆាបឆេះយ៉ាងលឿន និងមានផ្សែងហុយ ទ្រលោមចេញមកក្រៅ បង្កឱ្យមានការភ្ញាក់ផ្អើលយ៉ាងខ្លាំង។ ខណៈនោះគេបានឃើញភ្ញៀវដែលចូលទៅម៉ាស្សាកោសជប់ និងច្រៀងសប្បាយបាននាំគ្នារត់ចេញទាំងភ័យព្រលឹងចុងសក់ ។
ប្រភពដដែលបានបន្តទៀតថា ភ្លើងបានឆាបឆេះអស់ពូក ព្រមទាំងសម្ភារផ្សេងៗ មួយចំនួនទៀតនៅក្នុងនោះ។ ដោយឡែកប្រភពផ្សេងទៀតបាននិយាយថា ភ្លើងពុំមែនឆេះចេញពីបន្ទប់ម៉ាស្សានោះទេ គឺឆេះចេញពីបន្ទប់កោសជប់ដែលគេសង្ស័យថា បណ្តាលមកពីខ្វះការប្រុងប្រយ័ត្នទើបធ្វើឱ្យភ្លើងជប់ខ្យល់នោះ ឆាបឆេះឡើងតែម្តង ហើយនេះសំណាងណាស់ដែលពន្លត់ទាន់ពេល មិនឆេះរាលដាលដល់បន្ទប់ផ្សេងទៀត ឬផ្ទះប្រជាពលរដ្ឋនៅជិតនោះ ៕
ចែករំលែកព័តមាននេះ