សារព័ត៌មានកូរ៉េខាងត្បូងរាយការណ៍កាលពីថ្ងៃទី៣០ សីហា ថា ប្រធានរបស់មហាគណបក្សជាតិកូរ៉េខាងត្បូង កំពុងកាន់អំណាចថ្លែងថា ទំនាក់ទំនងដែលតានតឹងរវាងក្រុងសេអ៊ូល និងក្រុងព្យុងយ៉ាងនឹងអាចមានការកែលំអយ៉ាងច្បាស់មួយក្នុងខែវិច្ឆិកាខាងមុខនេះ ។ ការអះអាងនេះរបស់លោក HONG JOON-PYO លើកឡើងក្នុង
សារព័ត៌មានកូរ៉េខាងត្បូងរាយការណ៍កាលពីថ្ងៃទី៣០ សីហា ថា ប្រធានរបស់មហាគណបក្សជាតិកូរ៉េខាងត្បូង កំពុងកាន់អំណាចថ្លែងថា ទំនាក់ទំនងដែលតានតឹងរវាងក្រុងសេអ៊ូល និងក្រុងព្យុងយ៉ាងនឹងអាចមានការកែលំអយ៉ាងច្បាស់មួយក្នុងខែវិច្ឆិកាខាងមុខនេះ ។ ការអះអាងនេះរបស់លោក HONG JOON-PYO លើកឡើងក្នុងឱកាសនៃកិច្ចប្រជុំកម្រិតខ្ពស់មួយនៃគណបក្សរបស់លោកគឺចង់និយាយយោងដល់គម្រោងកសាងបំពង់បង្ហូរឧស្ម័នមួយកាត់កូរ៉េខាងជើងមកកាន់កូរ៉េខាងត្បូង។
ប្រទេសរុស្ស៊ី និងកូរ៉េទាំង២កំពុងតែពិភាក្សាគ្នាពីគម្រោងកសាងបំពង់បង្ហូរឧស្ម័ននោះដែលនឹងអាចបញ្ជូនឧស្ម័នធម្មជាតិពីរុស្ស៊ីមកកាន់កូរ៉េខាងត្បូង កាត់តាមកូរ៉េខាងជើង ។ ក្រុងសេអ៊ូល មានបំណងនាំចូលឧស្ម័នរុស្ស៊ីក្នុងចំនួនច្រើនចាប់ពីឆ្នាំ២០១៥ ទៅ ។
មេដឹកនាំកូរ៉េខាងជើងលោកគឹម ជុងអ៊ីល បានសម្តែងពីការគាំទ្ររបស់លោកចំពោះគម្រោងនោះក្រោយលោកជួបជាមួយសមភាគីរុស្ស៊ីលោកឌីមីឌ្រី ម៉េដវេដេវ ។
យោងតាមព័ត៌មានទាំងឡាយថា លោក HONG បានជម្រាបប្រាប់ប្រធានាធិបតីកូរ៉េខាងត្បូងលោកលី ម្យុងបាក់នាឱកាសនៃការជួបពិភាក្សាគ្នាមួយនាពេលថ្មីៗនេះថា គណបក្សរបស់លោកចង់ឱ្យមានការសម្រាលភាពតានតឹងជាមួយកូរ៉េខាងជើង ៕
ចែករំលែកព័តមាននេះ