តើលោកអ្នកធ្លាប់គិតទេថា សត្វចៀមមួយក្បាល មានតម្លៃស្មើនឹងរថយន្ត Ferrari មួយ គ្រឿងដែរឬទេ ? ប្រាកដណាស់ ពិតជាមាន ! សត្វចៀមមួយក្បាលនៅប្រទេសអៀឡង់ ដែលត្រូវបានលក់ដោយម្ចាស់កសិដ្ឋានម្នាក់ ឈ្មោះ Dan Tynan ពិតជាមានតម្លៃស្មើនឹងរថយន្ត Ferrari មួយគ្រឿងមែន។ គាត់បានលក់ទៅឱ្យលោក Myfyr Evans ជាម្ចាស់កសិដ្ឋានមួយទៀតនៅភាគខាងជើងនៃប្រទេសស្កុតឡែន ក្នុងតម្លៃ153.360ដុល្លារអាមេរិក។
តើលោកអ្នកធ្លាប់គិតទេថា សត្វចៀមមួយក្បាល មានតម្លៃស្មើនឹងរថយន្ត Ferrari មួយ គ្រឿងដែរឬទេ ? ប្រាកដណាស់ ពិតជាមាន ! សត្វចៀមមួយក្បាលនៅប្រទេសអៀឡង់ ដែលត្រូវបានលក់ដោយម្ចាស់កសិដ្ឋានម្នាក់ ឈ្មោះ Dan Tynan ពិតជាមានតម្លៃស្មើនឹងរថយន្ត Ferrari មួយគ្រឿងមែន។ គាត់បានលក់ទៅឱ្យលោក Myfyr Evans ជាម្ចាស់កសិដ្ឋានមួយទៀតនៅភាគខាងជើងនៃប្រទេសស្កុតឡែន ក្នុងតម្លៃ153.360ដុល្លារអាមេរិក។
លោក Evans និយាយថា គាត់ជួបសត្វចៀមនេះ ខណៈដែលគាត់ទៅចូលរួមតាំងពិព័រណ៍នៅកសិដ្ឋានមួយ ហើយក៏មានអារម្មណ៍ថា វានឹងផ្តល់នូវសុភមង្គលដល់គ្រួសារ។ ពេលនោះគាត់ក៏ទិញចៀមឈ្មោលនោះយកទៅដាក់ឱ្យមានគូជាមួយសត្វចៀមដទៃទៀតនៅក្នុងកសិដ្ឋានរបស់គាត់ ។ ចំណែកភរិយារបស់គាត់វិញមានអារម្មណ៍តក់ស្លុតពេលឃើញប្តីទិញសត្វចៀមដែលមានតម្លៃថ្លៃបែបនេះ។
ប៉ុន្តែក្រោយមកចៀមឈ្មោលមួយក្បាលនោះ ពិតជានាំសំណាងដល់គ្រួសាររបស់គាត់មែនគឺវាបានបង្កាត់ពូជដល់មេចៀមក្នុងកសិដ្ឋានបានកូនដល់ទៅចំនួន១០០០ក្បាលឯណោះ។ ពេលនោះទើបភរិយារបស់លោក Evansយល់ថា ចៀមនេះជាប្រភពទុនយ៉ាងសំខាន់ក្នុងគ្រួសាររបស់គាត់ ក្រោយមកក៏ត្រូវបានចុះក្នុងបញ្ជីឯតទគ្គកម្មថ្មី បន្ទាប់ពីឯតទគ្គកម្មចាស់ក្នុងឆ្នាំ១៩៨៨ សត្វចៀមមួយក្បាលត្រូវបានលក់ក្នុងតម្លៃ127.800ដុល្លារអាមេរិក ៕
ចែករំលែកព័តមាននេះ