ខេត្តកណ្តាល ៖ បុរសម្នាក់ត្រូវបាននគរបាលក្រុងតាខ្មៅ ចាប់ខ្លួនបញ្ជូនទៅកាន់សាលាដំបូងខេត្ត កាលពីព្រឹកថ្ងៃទី៣០ សីហា ២០១១ បន្ទាប់ពីប្រទូស្តកេរ្តិ៍លើក្មេងស្រីរួចហើយត្រូវអាណាព្យាបាលកុមារីប្តឹងចោទប្រកាន់កាលពីវេលាម៉ោង១០និង៣០នាទីព្រឹក ថ្ងៃទី២៩ សីហា ២០១១ នៅលើគ្រែកន្លែងស្ងាត់មួយក្នុងក្រុងតាខ្មៅ។
លោកកេត វ៉ាន់ថា នាយផ្នែកព្រហ្មទណ្ឌនគរបាលក្រុងតាខ្មៅ បានឱ្យដឹងថា បុរសកំហូចដែលត្រូវបានចាប់ខ្លួននេះឈ្មោះស៊ិន សុគន្ធ អាយុ៣៥ឆ្នាំ ស្នាក់នៅភូមិ-ឃុំកើតហេតុខាងលើ មុខរបរជាងសំណង់ ជាបុរសមានប្រពន្ធ និងមានកូនមួយ។ ចំណែកក្មេងស្រីរងគ្រោះឈ្មោះ ច.ស.វ អាយុ៦ឆ្នាំ ស្នាក់នៅភូមិ-ឃុំកើតហេតុ ។ តាមចម្លើយរបស់ក្មេងស្រីរងគ្រោះបានប្រាប់ប៉ូលិសថា នៅព្រឹកថ្ងៃទី២៩ សីហា ម្តាយរបស់នាងទៅផ្សារទិញម្ហូបបាត់ ហើយនាងនៅផ្ទះជាមួយបងប្រុសឈ្មោះចាន់ តាយ អាយុ៨ឆ្នាំ ។ គ្រានោះឈ្មោះស៊ិន សុគន្ធ បុរសដាច់ដាបបានឱ្យលុយ១.០០០រៀល ទៅបងរបស់នាងឱ្យទៅទិញទឹកកកឈូស ភ្លាមនោះខ្លួនឆ្លៀតឱកាសបីនាងតូចទៅដាក់ដេកលើគ្រែមួយនៅកន្លែងស្ងាត់ ហើយលិទ្ធលេងប្រដាប់ភេទរបស់នាងយ៉ាងឱឡារិក និងគំរាមថា កុំប្រាប់អ្នកណាឱ្យសោះ…ប៉ុន្តែបន្តិចនោះស្រាប់តែបងប្រុសរបស់នាងត្រឡប់មកពីទិញទឹកកកឈូសវិញ ឃើញទាន់ក៏បង្អាក់សកម្មភាពពួកគេ។
កុមារីបានបបួលបងប្រុសត្រឡប់មកផ្ទះវិញ និងប្រាប់ដល់ម្តាយរបស់នាងឈ្មោះស្រីហ៊ាង អាយុ៤៥ឆ្នាំ អំពីឈ្មោះស៊ិន សុគន្ធ លិទ្ធលេងប្រដាប់ភេទរបស់នាង ទើបឈានទៅប្តឹងប៉ូលិសចាប់ខ្លួនបុរសអគតិតែម្តង។ ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព ៕
ចែករំលែកព័តមាននេះ