រាជធានីភ្នំពេញ ៖ សាលាក្តីខ្មែរក្រហមកាលពីថ្ងៃទី២៩ ខែសីហា ឆ្នាំ២០១១ បានបើកសវនាការជំនុំជម្រះបញ្ហាកាយសម្បទារបស់អៀង ធីរិទ្ធ និងនួន ជា តាមការគ្រោងទុក។ ការដេញដោលបានធ្វើឡើងយ៉ាងតឹងតែងរវាងវេជ្ជបណ្ឌិតជំនាញផ្នែកមនុស្សចាស់ និងសហចៅក្រម មេធាវីការពារក្តី សហព្រះរាជអាជ្ញា ហើយនួន ជា ប្រកាសថា នឹងយល់ព្រមចូលរួមសវនាការនៅពេលសុខភាពមិនមានបញ្ហា។ ជនជាប់ចោទអៀង ធីរិទ្ធ អាយុ៧៩ឆ្នាំ និងនួន ជា អាយុ៨៥ឆ្នាំ បានបង្ហាញខ្លួននៅ
រាជធានីភ្នំពេញ ៖ សាលាក្តីខ្មែរក្រហមកាលពីថ្ងៃទី២៩ ខែសីហា ឆ្នាំ២០១១ បានបើកសវនាការជំនុំជម្រះបញ្ហាកាយសម្បទារបស់អៀង ធីរិទ្ធ និងនួន ជា តាមការគ្រោងទុក។ ការដេញដោលបានធ្វើឡើងយ៉ាងតឹងតែងរវាងវេជ្ជបណ្ឌិតជំនាញផ្នែកមនុស្សចាស់ និងសហចៅក្រម មេធាវីការពារក្តី សហព្រះរាជអាជ្ញា ហើយនួន ជា ប្រកាសថា នឹងយល់ព្រមចូលរួមសវនាការនៅពេលសុខភាពមិនមានបញ្ហា។
ជនជាប់ចោទអៀង ធីរិទ្ធ អាយុ៧៩ឆ្នាំ និងនួន ជា អាយុ៨៥ឆ្នាំ បានបង្ហាញខ្លួននៅចំពោះមុខអង្គសវនាការដែលដឹកនាំដោយលោកនិល ណុន ប្រធានសាលាដំបូងនៃសាលាក្តីខ្មែរក្រហម។ លោកនិល ណុន បានថ្លែងបើកអង្គសវនាការមុនពេលការសួរដេញដោលរវាង សហចៅក្រម និងវេជ្ជបណ្ឌិតជំនាញផ្នែកមនុស្សចាស់ ។
លោកស្រី ស៊ីលវើ ខាត់រាយ សហចៅក្រម និងជាអនុប្រធានសាលាដំបូងនៃអង្គជំនុំជម្រះវិសាមញ្ញក្នុងសាលាក្តីខ្មែរក្រហម បានសួរលោកចន ខាំបែល វេជ្ជបណ្ឌិតជំនាញផ្នែកមនុស្សចាស់ថា លោកបានមើលខ្សែវីដេអូនិយាយប្តឹងប្រឆាំងពីការឃុំខ្លួនបណ្តោះអាសន្នរបស់អៀង ធីរិទ្ធ កាលពីថ្ងៃទី២៤ កុម្ភៈ ឆ្នាំ២០០៩ និងថ្ងៃទី១៥ កុម្ភៈ ឆ្នាំ២០១០ មែនឬទេ? លោកចន ខាំបែល ឆ្លើយថា លោកពិតជាបានមើលខ្សែវីដេអូនោះមែន។
លោកចន ខាំបែលបានថ្លែងថា លោកបានប្រើប្រាស់តេស្តលើអៀង ធីរិទ្ធ តាមការវាយតម្លៃតាមបែបអាមេរិកតាមរយៈអ្នកបកប្រែភាសា ហើយបានវាយតម្លៃបន្ថែមលើការវាយតម្លៃលទ្ធផលរបស់លោកវេជ្ជបណ្ឌិត កាស៊ុន បូណាត។ ការវាយតម្លៃនេះបានធ្វើលើសតិបញ្ញារបស់អៀង ធីរិទ្ធ ការរស់នៅក្នុងពន្ធនាគារក៏ប៉ះពាល់ដែរ។
យើងបានសហការជាមួយគ្រូពេទ្យពីមន្ទីរពេទ្យកាល់ម៉ែត និងមានការបពា្ឈប់ការប្រើប្រាស់ថ្នាំមួយចំនួនដែលជននេះធ្លាប់ប្រើ ហើយអៀង ធីរិទ្ធ មានបញ្ហាជង្គង់។
នួន ជា និយាយប្រាប់តុលាការខ្មែរក្រហមថា៖ «ប្រសិនបើសុខភាពខ្ញុំអំណោយផល ខ្ញុំនឹងចូលរួមគ្រប់សវនាការទាំងអស់របស់សាលាក្តី ដើម្បីរកការពិតមានប្រយោជន៍តាមសំណូមពររបស់ប្រជាជនខ្មែរទូទៅ។ ខ្ញុំសូមនិយាយពីបញ្ហាសុខភាពរបស់ខ្ញុំ ដែលមានភាពជរាទ្រុឌទ្រោមច្រើន ប៉ុន្តែបញ្ហាសំខាន់ គឺការផ្ចង់អារម្មណ៍របស់ខ្ញុំ។ ខ្ញុំអាចអង្គុយស្តាប់ និងអានបានប្រហែលរយៈពេល១ម៉ោងទៅ១និង៣០នាទី ក្នុងដំណាក់កាលដំបូងប៉ុណ្ណោះ។ បន្ទាប់ពីនេះវានឹងប៉ះពាល់ដល់ភ្នែករបស់ខ្ញុំដែលមានភាពស្រវាំង និងជះឥទ្ធិពលដល់ខួរក្បាលរបស់ខ្ញុំធ្វើឲ្យងោកនិងបណ្តាលឲ្យបេះដួងញ័រខ្លាំង សម្ពាធឈាមក៏ឡើងខ្លាំងមិនអាចឱ្យអង្គុយបាន»។
នួន ជា បន្តថា លោកខាំបែល បានមកជួបពិនិត្យជំងឺរបស់គាត់២-៣ដងហើយ។ គាត់ចង់ឲ្យសាលាក្តីរកគ្រូពេទ្យម្នាក់ទៀតសហការជាមួយលោកខាំបែល ក្នុងការពិនិត្យសុខភាពរបស់គាត់៕
ចែករំលែកព័តមាននេះ