ខេត្តស្ទឹងត្រែង ៖ អំណោយជាគ្រឿងឧបភោគបរិភោគ កម្រាលព្រំសម្រាប់ថ្វាយបង្គំគម្ពីរកូរអាន និងថវិកា ត្រូវបានអង្គការមូលនិធិអភិវឌ្ឍន៍មូស្លីមកម្ពុជាបន្តនាំយកទៅ ចែកជូនដល់ប្រជាពលរដ្ឋជាសាសនិកអ៊ិស្លាម ចំនួន២០០គ្រួសាររស់នៅក្នុងខេត្តស្ទឹងត្រែង ។ ពិធីនេះបានរៀបចំឡើងកាលពីរសៀលថ្ងៃទី២៥ សីហា នៅភូមិអូរ
ខេត្តស្ទឹងត្រែង ៖ អំណោយជាគ្រឿងឧបភោគបរិភោគ កម្រាលព្រំសម្រាប់ថ្វាយបង្គំគម្ពីរកូរអាន និងថវិកា ត្រូវបានអង្គការមូលនិធិអភិវឌ្ឍន៍មូស្លីមកម្ពុជាបន្តនាំយកទៅចែកជូនដល់ប្រជាពលរដ្ឋជាសាសនិកអ៊ិស្លាម ចំនួន២០០គ្រួសាររស់នៅក្នុងខេត្តស្ទឹងត្រែង ។ ពិធីនេះបានរៀបចំឡើងកាលពីរសៀលថ្ងៃទី២៥ សីហា នៅភូមិអូរច្រឡុង ស្រុកសៀមបូក ក្រោមអធិបតីភាពលោកឧកញ៉ា អូស្មាន ហាស្សាន់ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ និងជាប្រធានអង្គការមូលនិធិអភិវឌ្ឍន៍មូស្លីមកម្ពុជា និងលោកជំទាវ ។នៅក្នុងឱកាសនោះក៏មានការចូលរួមដោយលោកឧកញ៉ា សុះ កំរី ចាងហ្វាងគណៈដឹកនាំជាន់ខ្ពស់សាសនាអ៊ិស្លាមកម្ពុជា ថ្នាក់ដឹកនាំអ៊ិស្លាម អាជ្ញាធរ និងប្រជាពលរដ្ឋអ៊ិស្លាមក្រីក្រយ៉ាងច្រើនកុះករ ។
អំណោយដែលនាំយកទៅចែកជូនសាសនិកអ៊ិស្លាមនៅក្នុងឱកាសនោះ សម្រាប់ប្រជាពលរដ្ឋចំនួន២០០គ្រួសារ ក្នុងមួយគ្រួសារៗទទួលបានគ្រឿងឧបភោគបរិភោគ១កញ្ចប់ រួមមានស្ករស ទឹកដោះគោ ទឹកក្រូច ទឹកស៊ីរ៉ូ ដែលគិតជាប្រាក់ចំនួន១.២០០ដុល្លារ និងចែកក្រមាចំនួន១.២៥២ គិតជាប្រាក់សរុបចំនួន២៦២ដុល្លារ, ឧបត្ថម្ភលោកគ្រូសាសនាអ៊ិស្លាមចំនួន១៤នាក់ ម្នាក់ៗទទួលបាន១០ម៉ឺនរៀល, ឧបត្ថម្ភដល់វិហារចំនួន១៣ដែលវិហារនីមួយៗទទួលបាន៣០ម៉ឺនរៀល, ចែកគម្ពីរកូរអានចំនួន៤៥០ក្បាល និងកម្រាលថ្វាយបង្គំចំនួន២៦ដល់សាសនិកអ៊ិស្លាម, ផ្តល់ថវិកាចំនួន១៧០ដុល្លារ ទិញឧគ្ឃោសនស័ព្ទ និងឧបត្ថម្ភសាលាឃុំអូរឫស្សីកណ្តាលចំនួន២០០ដុល្លារ ។ សម្រាប់គ្រឿងឧបភោគបរិភោគ និងថវិកាសរុបគិតជាទឹកប្រាក់ចំនួន៩.៩៣៧ដុល្លារ ដែលទាំងនេះជាអំណោយរបស់អង្គការមូលនិធិអភិវឌ្ឍន៍មូស្លីមកម្ពុជា ។
លោកឧកញ៉ា អូស្មាន ហាស្សាន់ បានឱ្យដឹងថា នៅក្នុងខែបួសរ៉ាម៉ាដននេះ អង្គការមូលនិធិអភិវឌ្ឍន៍មូស្លីមកម្ពុជា រួមទាំងថ្នាក់ដឹកនាំអ៊ិស្លាមទាំងអស់ បានយកចិត្តទុកដាក់គិតគូរពីជីវភាពរបស់បងប្អូនសាសនិកអ៊ិស្លាមក្រីក្រ ហើយនាំយកអំណោយមកជួយឧបត្ថម្ភដល់បងប្អូនក្រីក្រជាបន្តបន្ទាប់នៅតាមខេត្ត រាជធានី សម្រាប់ជួយសម្រួលការលំបាកនៅក្នុងខែបួស ។ នៅក្នុងខែបួសនេះសាសនិកអ៊ិស្លាមទូទាំងពិភពលោក ក៏ដូចជាសាសនិកអ៊ិស្លាមនៅកម្ពុជា បានចូលរួមគោរពប្រតិបត្តិទៅតាមជំនឿសាសនា ដែលនេះជាកាតព្វកិច្ចរបស់យើងគ្រប់គ្នាជាសាសនិកអ៊ិស្លាម ។
លោកឧកញ៉ា អូស្មាន ហាស្សាន់ ក៏បានលើកឡើងពីរាជរដ្ឋាភិបាលកម្ពុជាក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន បានធ្វើឱ្យប្រទេសជាតិមានសន្តិភាព ស្ថិរភាពនយោបាយ មានការអភិវឌ្ឍគ្រប់វិស័យទាំងវិស័យអាណាចក្រ និងសាសនា ។ ដោយសាររាជរដ្ឋាភិបាលកម្ពុជាបានប្រើសិទ្ធិទូលាយខាងជំនឿសាសនា ធ្វើឱ្យប្រជាពលរដ្ឋគ្រប់រូបមានសិទ្ធិសេរីភាពខាងក្នុងការប្រតិបត្តិសាសនា ហើយគ្រប់សាសនាទាំងអស់បានរស់នៅជាមួយគ្នាដោយសុខដុមរមនាមិនរើសអើង៕
ចែករំលែកព័តមាននេះ