គណបក្សប្រជាធិបតេយ្យជប៉ុនជាគណបក្ស កាន់អំណាចកាលពីថ្ងៃទី២៩ សីហា បានជ្រើសតាំង លោកយូស៊ីហ៊ីកូ ណូដា រដ្ឋមន្ត្រីហិរញ្ញវត្ថុជាប្រធានគណបក្សដែលលោកត្រូវក្លាយជានាយករដ្ឋមន្ត្រីទី៣របស់ប្រទេសរយៈពេលតែ២ឆ្នាំ ។
គណបក្សប្រជាធិបតេយ្យជប៉ុនជាគណបក្ស កាន់អំណាចកាលពីថ្ងៃទី២៩ សីហា បានជ្រើសតាំង លោកយូស៊ីហ៊ីកូ ណូដា រដ្ឋមន្ត្រីហិរញ្ញវត្ថុជាប្រធានគណបក្សដែលលោកត្រូវក្លាយជានាយករដ្ឋមន្ត្រីទី៣របស់ប្រទេសរយៈពេលតែ២ឆ្នាំ ។
មានបេក្ខជន៥រូបក្នុងការប្រកួតដណ្តើមយកតំណែងប្រធានគណបក្សនេះជំនួសនាយករដ្ឋមន្ត្រីលោកណាអូ តូកាន ដែលបានសុំលាលែង ។ បេក្ខជនទាំង៥រូបនេះមានរដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្មលោកបានវី កាអ៊ីអឺដា អតីតរដ្ឋមន្ត្រីការបរទេសលោកសឺអ៊ីជី ម៉ាអឺហាវ៉ា រដ្ឋមន្ត្រីហិរញ្ញវត្ថុ លោកយូស៊ី ហ៊ីកូណូដា រដ្ឋមន្ត្រីកសិកម្ម រុក្ខាប្រមាញ់ និងនេសាទលោក មីជី ហ៊ីកូ កាណូ និងរដ្ឋមន្ត្រីដឹកជញ្ជូន លោកស៊ូ មីអូ ម៉ាប៊ូជី ។
លោកកានបានសុំលាលែងពីតំណែងប្រមុខគណបក្សលោកកាលពីថ្ងៃទី២៦ សីហា កន្លងមកនេះ ក្រោយសភាអនុម័តគម្រោងច្បាប់២ គឺគម្រោងច្បាប់មួយស្តីពីការបញ្ចេញប្រាក់រដ្ឋសម្រាប់គ្រប់គ្រងបំណុល និងគម្រោងច្បាប់មួយទៀតស្តីពីការជំរុញថាមពលកកើតឡើងវិញ ។
ក្នុងការបោះឆ្នោតរបស់ក្រុមសមាជិកសភានៃគណបក្សប្រជាធិបតេយ្យនៅជុំទី២ រដ្ឋមន្ត្រីហិរញ្ញវត្ថុលោកយូស៊ី ហ៊ីកូ ណូដា បានឈ្នះរដ្ឋមន្ត្រីសេដ្ឋកិច្ច ពាណិជ្ជកម្ម និងឧស្សាហកម្ម លោកបានរី កាអ៊ីអឺដា ដោយលោកក្លាយជាប្រមុខគណបក្សប្រជាធិបតេយ្យថ្មី បន្ទាប់មកក្លាយជានាយករដ្ឋមន្ត្រីជប៉ុនជំនួសលោកកាន ។
លោកណូដា អាយុ៥៤ឆ្នាំ នឹងក្លាយជានាយករដ្ឋមន្ត្រីទី៣ ចាប់តាំងពីគណបក្សប្រជាធិបតេយ្យឡើងកាន់អំណាចកាលពី២ឆ្នាំមុននេះមក ហើយលោកជានាយករដ្ឋមន្ត្រីទី៦របស់ជប៉ុនក្នុងរយៈពេលតែ៥ឆ្នាំ ៕
ចែករំលែកព័តមាននេះ