ប្រភពជិតដិតនឹងពួកអ្នកជួយសង្គ្រោះនិយាយថា មនុស្សយ៉ាងតិច១០នាក់ស្លា.ប់ ហើយជាច្រើននាក់ទៀតបាត់ខ្លួនក្រោយការលិចនាវាដឹកអ្នកដំណើរមួយគ្រឿងកាលពីយប់ថ្ងៃទី២៦ មក២៧ សីហា ក្នុងដែនទឹកនៃកោះស៊ូឡាវេស៊ីភាគខាងកើតឥណ្ឌូណេស៊ី។
ប្រភពជិតដិតនឹងពួកអ្នកជួយសង្គ្រោះនិយាយថា មនុស្សយ៉ាងតិច១០នាក់ស្លាប់ ហើយជាច្រើននាក់ទៀតបាត់ខ្លួនក្រោយការលិចនាវាដឹកអ្នកដំណើរមួយគ្រឿងកាលពីយប់ថ្ងៃទី២៦ មក២៧ សីហា ក្នុងដែនទឹកនៃកោះស៊ូឡាវេស៊ីភាគខាងកើតឥណ្ឌូណេស៊ី។
លោកស៊ូរ៉ាហ្សាដ នៃការិយាល័យរុករក និងជួយសង្គ្រោះកោះស៊ូឡាវេស៊ីនិយាយថានាវាឈ្មោះ WINDU KARSA នេះបានលិចនាវេលាម៉ោង០០ និង៣០នាទីរំលងអធ្រាត្រថ្ងៃទី២៧ សីហា ក្រោយចាកចេញពីទីក្រុង BAJO ភាគខាងត្បូងកោះស៊ូឡាវេស៊ី។ តាមបញ្ជីឈ្មោះអ្នកដំណើរ នាវានោះដឹកមនុស្ស៩៦នាក់ ហើយមនុស្ស៩៣នាក់ត្រូវបានជួយសង្គ្រោះ។ ក៏ប៉ុន្តែចំនួនមនុស្សពិតប្រាកដជិះក្នុងនាវាពិតជាមានលើសពីក្នុងបញ្ជីផ្លូវការ។
ពួកអ្នកនៅរស់រានមានជីវិតត្រូវបានបញ្ជូនមកកាន់មន្ទីរពេទ្យទាំងឡាយដែលស្ថិតនៅជិតខាង។ យោងតាមទូរទស្សន៍ក្នុងស្រុកមួយថា អ្នកទទួលខុសត្រូវម្នាក់នៃខេត្តស៊ូឡាវេស៊ីភាគអាគេ្នយ៍យល់ថា រលកខ្លាំងអាចជាប្រភពនៃការលិចនាវានេះ៕
ចែករំលែកព័តមាននេះ