សារព័ត៌មានក្នុងស្រុករាយការណ៍ថា ភ្នាក់ងារសន្តិសុខប៉ាគីស្ថានយ៉ាងតិច៤០នាក់ស្លា.ប់ និងជាច្រើននាក់ទៀតត្រូវរបួសក្នុងការវាយប្រហារឆ្លងកាត់ព្រំដែនមួយកាលពីព្រឹកថ្ងៃទី២៧ សីហា ដោយពួកសកម្មប្រយុទ្ធអាហ្វហ្គានីស្ថានក្នុងតំបន់ជីត្រាល់របស់ប៉ាគីស្ថាន។
សារព័ត៌មានក្នុងស្រុករាយការណ៍ថា ភ្នាក់ងារសន្តិសុខប៉ាគីស្ថានយ៉ាងតិច៤០នាក់ស្លាប់ និងជាច្រើននាក់ទៀតត្រូវរបួសក្នុងការវាយប្រហារឆ្លងកាត់ព្រំដែនមួយកាលពីព្រឹកថ្ងៃទី២៧ សីហា ដោយពួកសកម្មប្រយុទ្ធអាហ្វហ្គានីស្ថានក្នុងតំបន់ជីត្រាល់របស់ប៉ាគីស្ថាន។
យោងតាមទូរទស្សន៍ប៉ាគីស្ថាន GEO ថា ពួកសកម្មប្រយុទ្ធយ៉ាងតិច១០នាក់ក៏ត្រូវស្លាប់ក្នុងការប្រយុទ្ធគ្នានោះដែរ។ ពួកសកម្មប្រយុទ្ធអាហ្វហ្គានីស្ថានប្រមាណជា៤០០នាក់បានចូលរួមក្នុងការវាយប្រហារទាំងនេះដែលធ្វើដំណាលគ្នាមកលើប៉ុស្តិ៍ដាមីដ នីសារ ប៉ុស្តិ៍ បូដឺបា និងប៉ុស្តិ៍មៀរកានី។ ពួកសកម្មប្រយុទ្ធបានជ្រៀតចូលប៉ាគីស្ថានពីទីក្រុងមួយស្ថិតនៅតាមព្រំដែនប៉ាគីស្ថាន-អាហ្វហ្គានីស្ថានចម្ងាយប្រមាណជា១៦០គីឡូម៉ែត្រភាគឥសានក្រុងហាឡាឡាបាដភាគខាងកើតអាហ្វហ្គានីស្ថាន។
ពួកសកម្មប្រយុទ្ធបានប្រើប្រាស់អាវុធធុនធ្ងន់ និងបាញ់កាំភ្លើងត្បាល់មកលើប៉ុស្តិ៍ត្រួតពិនិត្យរបស់ប៉ាគីស្ថានទាំងនោះ។ ការប្រយុទ្ធគ្នារវាងពួកសកម្មប្រយុទ្ធអាហ្វហ្គានីស្ថាន និងកងទ័ពប៉ាគីស្ថាននៅពុំទាន់បញ្ចប់នៅឡើយ ហើយកងទ័ពប៉ាគីស្ថានបានកម្ទេចស្ពាន៤ដើម្បីរារាំងពួកសកម្មប្រយុទ្ធតាលីបង់កុំឱ្យវាយដកថយចូលអាហ្វហ្គានីស្ថានវិញ៕
ចែករំលែកព័តមាននេះ