រាជធានីភ្នំពេញ ៖ បុរសជនជាតិអាល្លឺម៉ង់ម្នាក់ត្រូវបានគេប្រទះឃើញដេកស្លា.ប់ក្នុង បន្ទប់លេខ៣០៥ ជាន់ទី៣នៃសណ្ឋាគារម៉ូឌែន ស៊ីធី ស្ថិតនៅទីតាំងលេខ៦៨ និង៧០ ផ្លូវលេខ១៣៦ ភូមិ១១ សង្កាត់ផ្សារកណ្តាលទី១ ខណ្ឌដូនពេញ កាលពីវេលាម៉ោង១២ថ្ងៃត្រង់ថ្ងៃទី២៦ សីហា។
រាជធានីភ្នំពេញ ៖ បុរសជនជាតិអាល្លឺម៉ង់ម្នាក់ត្រូវបានគេប្រទះឃើញដេកស្លាប់ក្នុងបន្ទប់លេខ៣០៥ ជាន់ទី៣នៃសណ្ឋាគារម៉ូឌែន ស៊ីធី ស្ថិតនៅទីតាំងលេខ៦៨ និង៧០ ផ្លូវលេខ១៣៦ ភូមិ១១ សង្កាត់ផ្សារកណ្តាលទី១ ខណ្ឌដូនពេញ កាលពីវេលាម៉ោង១២ថ្ងៃត្រង់ថ្ងៃទី២៦ សីហា។
ជនជាតិអាល្លឺម៉ង់ដែលស្លាប់ក្នុងសណ្ឋាគារម៉ូឌែនស៊ីធី ត្រូវបានគេស្គាល់ឈ្មោះ BORELL SANDOR ភេទប្រុស អាយុ៣៥ឆ្នាំ កាន់លិខិតឆ្លងដែនលេខ៩៥១៥៤៣៩២២ ចូលស្នាក់នៅបន្ទប់លេខ៣០៥ កាលពីថ្ងៃទី២៥ សីហា វេលាម៉ោង១០ព្រឹក ជាអ្នកទេសចរ។
តាមប្រភពព័ត៌មានពីសមត្ថកិច្ចបានឱ្យដឹងថា នៅវេលាម៉ោងជាង១១ព្រឹកថ្ងៃទី២៦ សីហា ២០១១ បុគ្គលិកសំអាតបន្ទប់នៃសណ្ឋាគារម៉ូឌែនស៊ីធី បានរៀបចំបន្ទប់ លុះដល់បន្ទប់លេខ៣០៥ ជាន់ទី៣ ក៏គោះទ្វារតែមិនមានការឆ្លើយតប ទើបកើតការសង្ស័យរាយការណ៍មកអ្នកទទួលខុសត្រូវសណ្ឋាគារ ក៏បានយកសោមួយទៀតទៅចាក់បន្ទប់នោះមើល។ ពេលទ្វារបើក ឡើង ស្រាប់តែឃើញបុរសជនជាតិអាល្លឺម៉ង់នោះដេកស្លាប់នៅលើឥដ្ឋក្បែរគ្រែដេក ទើបអ្នកទទួលខុសត្រូវសណ្ឋាគារចាក់សោបន្ទប់វិញ ហើយបានរបាយការណ៍ឱ្យនគរបាលមូលដ្ឋានចុះមកពិនិត្យ។
ទាក់ទិននឹងការស្លាប់របស់បុរសជនជាតិអាល្លឺម៉ង់នៅក្នុងសណ្ឋាគារម៉ូឌែនស៊ីធីនេះ មិនត្រូវបានសមត្ថកិច្ចជំនាញប្រាប់ពីមូលហេតុនោះទេ ហើយអ្នកកាសែតក៏មិនអនុញ្ញាតឱ្យចូលថតយករូបភាពដែរ។ តែបើតាមព័ត៌មានមិនផ្លូវការនិយាយថា ជនជាតិអាល្លឺម៉ង់ដែលស្លាប់នោះគឺដោយសារការប្រើប្រាស់គ្រឿងញៀនហួសកម្រិត ទើបបណ្តាលឱ្យគាំងបេះដូងស្លាប់បែបនេះ ៕
ចែករំលែកព័តមាននេះ