ប្រធានាធិបតីចិនលោកហ៊ូ ជីនតាវ បានជួបពិភាក្សាកាលពីថ្ងៃទី២៥ សីហា ជាមួយសមភាគីបារាំងលោកនីកូឡាស់ សាកូហ្ស៊ី ដែលមកបំពេញទស្សនកិច្ចរយៈពេល៥ម៉ោងមួយនៅក្រុងប៉េកាំង។ មុនពេលចាប់ផ្តើមកិច្ចពិភាក្សាគ្នាជាមួយលោកសាកូហ្ស៊ីនៅមហាវិមានប្រជាជនក្រុងប៉េកាំង លោកហ៊ូ ជីនតាវ ថ្លែងថា
ប្រធានាធិបតីចិនលោកហ៊ូ ជីនតាវ បានជួបពិភាក្សាកាលពីថ្ងៃទី២៥ សីហា ជាមួយសមភាគីបារាំងលោកនីកូឡាស់ សាកូហ្ស៊ី ដែលមកបំពេញទស្សនកិច្ចរយៈពេល៥ម៉ោងមួយនៅក្រុងប៉េកាំង។
មុនពេលចាប់ផ្តើមកិច្ចពិភាក្សាគ្នាជាមួយលោកសាកូហ្ស៊ីនៅមហាវិមានប្រជាជនក្រុងប៉េកាំង លោកហ៊ូ ជីនតាវ ថ្លែងថា ទស្សនកិច្ចរបស់ប្រធានាធិបតីបារាំងឆ្លុះបញ្ចាំងពីសារសំខាន់នៃកិច្ចសហប្រតិបត្តិការជាយុទ្ធសាស្ត្ររវាងចិន និងបារាំង។ លោកបន្តថា ការពង្រឹងការសម្របសម្រួលគ្នា និងកិច្ចសហប្រតិបត្តិការរវាងប្រទេសទាំង២នឹងដើរតួនាទីសំខាន់មួយដើម្បីឱ្យសម្រេចបានលទ្ធផលជាវិជ្ជមានទាំងឡាយក្នុងពេលប្រជុំកំពូលរបស់G-20 ព្រមទាំងក្នុងការជំរុញកិច្ចសហប្រតិបត្តិការសេដ្ឋកិច្ចអន្តរជាតិ ហើយនឹងសម្រួលដល់ការធ្វើឱ្យសេដ្ឋកិច្ចពិភពលោកមានស្ថេរភាពវិញ។
ទាក់ទិនដល់វិបត្តិបំណុលរបស់អឺរ៉ុប ប្រធានាធិបតីចិន គូសបញ្ជាក់ថា ចិនតាមដានយ៉ាងប្រកិតនូវផលប៉ះពាល់នៃបំណុលទាំងនេះរបស់អឺរ៉ុប ហើយសង្ឃឹមថា សេដ្ឋកិច្ចអឺរ៉ុបនឹងនៅតែមានសេ្ថរភាព ហើយការកែទម្រង់ហិរញ្ញវត្ថុរបស់ប្រទេសអឺរ៉ុបមួយចំនួននឹងសម្រេចបានជោគជ័យ។ លោកសាកូហ្ស៊ីថ្លែងថា តំបន់អឺរ៉ូបានចាត់វិធានការនានាដើម្បីជំរុញការកែទម្រង់ហិរញ្ញវត្ថុក្នុងប្រទេសមួយចំនួន និងដើម្បីពង្រឹងអភិបាលកិច្ច សេដ្ឋកិច្ចក្នុងតំបន់អឺរ៉ូ។ បារាំងដែលពេលនេះជាប្រធានG-20នឹងរៀបធ្វើកិច្ចប្រជុំកំពូលG-20ក្នុងខែវិច្ឆិកាខាងមុខនេះនៅទីក្រុងកាន ៕
ចែករំលែកព័តមាននេះ