ប្រទេសជប៉ុននឹងត្រូវមាននាយករដ្ឋមន្ត្រីថ្មីមួយរូបទៀតនាសប្តាហ៍ខាងមុខនេះដែលជានាយករដ្ឋមន្ត្រីទី៦ រយៈពេលត្រឹមតែ៥ឆ្នាំ។ នាយករដ្ឋមន្ត្រីបច្ចុប្បន្នលោកណាអូតូ កាន កាលពីថ្ងៃទី២៦ សីហា បានសុំលាលែងចេញពីតំណែងប្រធានគណបក្សប្រជាធិបតេយ្យដែលកំពុងកាន់អំណាច។
ប្រទេសជប៉ុននឹងត្រូវមាននាយករដ្ឋមន្ត្រីថ្មីមួយរូបទៀតនាសប្តាហ៍ខាងមុខនេះដែលជានាយករដ្ឋមន្ត្រីទី៦ រយៈពេលត្រឹមតែ៥ឆ្នាំ។ នាយករដ្ឋមន្ត្រីបច្ចុប្បន្នលោកណាអូតូ កាន កាលពីថ្ងៃទី២៦ សីហា បានសុំលាលែងចេញពីតំណែងប្រធានគណបក្សប្រជាធិបតេយ្យដែលកំពុងកាន់អំណាច។
បន្ទាប់ពីចាកចេញពីប្រមុខគណបក្ស លោកកាន បន្ទាប់មកនឹងចាកចេញពីរដ្ឋាភិបាល ។ ប្រមុខរដ្ឋាភិបាលជប៉ុនរូបនេះធ្លាក់ប្រជាប្រិយភាពយ៉ាងខ្លាំង ពិសេសដោយសារការគ្រប់គ្រងរបស់លោកក្រោយគ្រោះមហន្តរាយនុយក្លេអ៊ែរនៅហ្វូគីស៊ីម៉ា ដោយសារការរញ្ជួយដី និងស៊ូណាមីកាលពីថ្ងៃទី១១ មីនា កន្លងមកនេះ។
ដោយប្រកាសពីការសុំលាលែងរបស់លោក លោកកានថ្លែងទៅកាន់បណ្តាសមាជិកសភានៃគណបក្សរបស់លោកថា ក្នុងបរិយាកាសលំបាកមួយ ខ្ញុំធ្វើនូវអ្វីដែលខ្ញុំត្រូវធ្វើ។ លោកបន្តថា លោកនឹងបន្តជួយដល់ប្រទេស ជាពិសេសដើម្បីឱ្យជប៉ុនលែងពឹងផ្អែកខ្លាំងលើថាមពលនុយក្លេអ៊ែរ។ គណបក្សប្រជាធិបតេយ្យជប៉ុន ត្រូវជ្រើសតាំងប្រធានថ្មីរបស់ខ្លួននាថ្ងៃទី២៩ សីហា ដែលប្រធានគណបក្សថ្មីនេះត្រូវក្លាយជានាយករដ្ឋមន្ត្រីថ្មីដែរ ៕
ចែករំលែកព័តមាននេះ