បុរសអូទ្រីសអាយុ៨០ឆ្នាំម្នាក់ដែលជាប់សង្ស័យថា បង្ខាំងទុករំលោ.ភរួមភេទ និងវាយធ្វើបានកូនស្រីសរសៃប្រសាទរបស់ខ្លួន២នាក់ដល់ជាង៤០ឆ្នាំ ត្រូវបានចាប់ខ្លួនកាលពីថ្ងៃទី២៥ សីហា នៅអូទ្រីស។ តំណាងម្នាក់របស់កងកម្លាំងប៉ូលិស លោក ALOIS LISSL បញ្ជាក់ថា បុរសនេះរស់នៅក្នុងភូមិ ST. PETER AM HART តំបន់
បុរសអូទ្រីសអាយុ៨០ឆ្នាំម្នាក់ដែលជាប់សង្ស័យថា បង្ខាំងទុករំលោភរួមភេទ និងវាយធ្វើបានកូនស្រីសរសៃប្រសាទរបស់ខ្លួន២នាក់ដល់ជាង៤០ឆ្នាំ ត្រូវបានចាប់ខ្លួនកាលពីថ្ងៃទី២៥ សីហា នៅអូទ្រីស។ តំណាងម្នាក់របស់កងកម្លាំងប៉ូលិស លោក ALOIS LISSL បញ្ជាក់ថា បុរសនេះរស់នៅក្នុងភូមិ ST. PETER AM HART តំបន់ HAUTE អូទ្រីសជាប់សង្ស័យពីបទវាយធ្វើបាប គំរាមកំហែងលើរូបរាងកាយ ចាប់រំលោភ និងឧក្រិដ្ឋកម្មផ្លូវភេទដទៃៗទៀត។ បុរសចំណាស់នេះឥឡូវរស់នៅក្នុងគេហដ្ឋានមួយសម្រាប់មនុស្សចាស់។
យោងតាមលោក ALOIS LISSL ថា ជនសង្ស័យរូបនេះនឹងត្រូវនាំទៅសួរចម្លើយដោយចៅក្រមស៊ើបអង្កេតមួយរូបរយៈពេល២៤ម៉ោងខាងមុខនេះ ។ ចៅក្រមរូបនេះនឹងសម្រេចពីការរក្សាការឃុំខ្លួនជននេះជាយថាហេតុ។ ប៉ូលិសពន្យល់ថា កូនស្រីទាំង២នាក់របស់បុរសចំណាស់នេះដែលម្នាក់អាយុ៤៥ឆ្នាំ ហើយម្នាក់ទៀតអាយុ៥៣ឆ្នាំ បានចោទប្រកាន់ឪពុកពួកគេថា ចាប់រំលោភពួកគេជាច្រើនលើកក្នុងផ្ទះពួកគេ រវាងពីឆ្នាំ១៩៧០ ទៅខែឧសភា ឆ្នាំ២០១១ ។ នារីទាំង២នាក់នេះអះអាងថា ឪពុកពួកគេបានគំរាមកំហែងសម្លាប់ពួកនាងជាច្រើនលើក ប្រសិនបើពួកនាងហ៊ានតតាំង ជួនកាលជាមួយនឹងកាំភ្លើង។ ពួកនាងក៏អះអាងផងដែរថា ត្រូវឪពុកចាប់ឃុំទុកក្នុងបន្ទប់តូចមួយ ហើយប្រាប់ថា ម្តាយពួកនាងស្លាប់បាត់ហើយ។ រឿងបែបនេះកើតមានរយៈពេលជាច្រើនឆ្នាំ ហើយពួកនាងត្រូវឪពុកចាប់រំលោភជាច្រើនលើក។
ឪពុករូបនេះបានបដិសេធរាល់ការចោទប្រកាន់។ ឈ្មោះរបស់ឪពុករូបនេះ និងឈ្មោះរបស់កូនស្រីទាំង២ពុំត្រូវបានគេលាតត្រដាងប្រាប់ឡើយ។ យោងតាមកាសែត OBEROESTER-REICHISCHE NCHRICHTEN របស់អូទ្រីសថា បងប្អូនស្រីទាំង២នាក់នេះអាចរត់គេចខ្លួនរួច ពេលឪពុកចំណាស់រូបនេះដួលលើដី ដោយត្រូវកូនស្រីច្បងរុញ ពេលប៉ុនប៉ងចាប់នាងរំលោភ ។ អាជ្ញាធរនិយាយថា គេបានប្រទះឃើញឪពុករូបនេះ២ថ្ងៃក្រោយពេលដួល ហើយបន្ទាប់មកនាំគេទៅឱ្យប៉ូលិស។ បុរសនេះត្រូវបាននាំទៅកាន់គេហដ្ឋានមួយសម្រាប់មនុស្សចាស់ក្រោយពីរកឃើញ។
ការអះអាងរបស់កូនស្រីបុរសនេះទាំង២នាក់ ញ៉ាំងឱ្យនឹកឃើញរឿងបុរសអូទ្រីសឈ្មោះ JOSEF FRITZL ដែលបានចាប់បង្ខាំងកូនស្រីរបស់ខ្លួនទុករួមភេទ រយៈពេលដល់ទៅ២៤ឆ្នាំ ក្នុងបន្ទប់មួយដែលគ្មានបង្អួច។ JOSEF FRITZL ត្រូវបានកាត់ទោសដាក់គុកអស់មួយជីវិតកាលពី២ឆ្នាំមុននេះពីបទឧក្រិដ្ឋ និងពីបទទទួលខុសត្រូវលើការស្លាប់របស់កូនគេម្នាក់ក្នុងចំណោមកូនទាំង៧នាក់ ដែលកើតដោយសារការរំលោភកូនស្រីខ្លួន ៕
ចែករំលែកព័តមាននេះ