រាជធានីភ្នំពេញ ៖ កម្មករសំណង់ម្នាក់ត្រូវចរន្តអគ្គិសនីឆក់ស្លា.ប់បាត់បង់ជីវិត កាលពីវេលាម៉ោង៦និង៣០នាទីល្ងាច ថ្ងៃទី២៥ សីហា ខណៈម្ចាស់ផ្ទះឱ្យធ្វើការថែមម៉ោងក្រោមភ្លៀងរលឹម ហើយដៃសើមយកខ្សែភ្លើងទៅដោតនឹងព្រី បណ្តាលឱ្យចរន្តឆ្លងឆក់។ ហេតុការណ៍នេះកើតឡើងនៅផ្ទះលេខ១០៦ ផ្លូវលេខ១៣៤ ក្រុមទី៦
រាជធានីភ្នំពេញ ៖ កម្មករសំណង់ម្នាក់ត្រូវចរន្តអគ្គិសនីឆក់ស្លាប់បាត់បង់ជីវិតកាលពីវេលាម៉ោង៦និង៣០នាទីល្ងាច ថ្ងៃទី២៥ សីហា ខណៈម្ចាស់ផ្ទះឱ្យធ្វើការថែមម៉ោងក្រោមភ្លៀងរលឹម ហើយដៃសើមយកខ្សែភ្លើងទៅដោតនឹងព្រី បណ្តាលឱ្យចរន្តឆ្លងឆក់។ ហេតុការណ៍នេះកើតឡើងនៅផ្ទះលេខ១០៦ ផ្លូវលេខ១៣៤ ក្រុមទី៦ ភូមិទី៣ សង្កាត់ផ្សារដេប៉ូទី២ ខណ្ឌទួលគោក ។
កម្មករដែលស្លាប់នេះឈ្មោះសៀម ម៉ូវ អាយុ១៦ឆ្នាំ មានទីលំនៅភូមិត្រពាំងត្របែក ឃុំអង្គតាសោម ស្រុកត្រាំកក់ ខេត្តតាកែវ ។ តាមសមត្ថកិច្ចឱ្យដឹងថា នៅមុនពេលកើតហេតុកម្មកររងគ្រោះ រួមទាំងកម្មករផ្សេងទៀត៣ទៅ៤នាក់ ត្រូវបានម្ចាស់ផ្ទះឱ្យធ្វើការថែមម៉ោងដោយក្រាលបង្ហើយឥដ្ឋការ៉ូមុខផ្ទះដែលការធ្វើការថែមម៉ោងនេះក្រោមភ្លៀងរលឹម ។
តាមព័ត៌មានបន្តទៀតថា ពេលកំពុងធ្វើការកម្មករឈ្មោះសៀម ម៉ូវ បានយកកន្ទុយខ្សែភ្លើងទៅដោតនឹងព្រីដើម្បីរៀបចំកាត់ការ៉ូ ។ ដោយសារតែដៃសើម និងខ្សែភ្លើងសើមដែរនោះ ចរន្តអគ្គិសនីក៏ឆក់កម្មកររូបនេះ បណ្តាលឱ្យដួល។ ភ្លាមៗនោះមេការសំណង់រួមទាំងកម្មករជាមួយគ្នាបានបញ្ជូនជនរងគ្រោះទៅកាន់គ្លីនិកឯកជននៅក្បែរនោះ តែជនគ្រោះបានស្លាប់បាត់ទៅហើយ។
តាមព័ត៌មានឱ្យដឹងថា ម្ចាស់ផ្ទះបានជួយថ្លៃធ្វើបុណ្យចំនួន៣លានរៀល ហើយសពត្រូវបានក្រុមគ្រួសារបញ្ជូនទៅធ្វើបុណ្យនៅឯស្រុកកំណើត៕
ចែករំលែកព័តមាននេះ