រាជធានីភ្នំពេញ ៖ សាលាឧទ្ធរណ៍គ្រោងនឹងបើកសវនាការកាត់ទោសអ្នកកាសែតឌឹឃែមបូឌាដេលី ២នាក់ពីបទផ្សាយព័ត៌មានបន្តមិនពិតនៅវេលាម៉ោង២រសៀលថ្ងៃទី ២៦ សីហា ២០១១ នេះ បន្ទាប់ពីបានពន្យារពេលកាលពីថ្ងៃទី៤ សីហា ២០១១ កន្លងទៅដោយសារតែចៅក្រមជាប់រវល់។
រាជធានីភ្នំពេញ ៖ សាលាឧទ្ធរណ៍គ្រោងនឹងបើកសវនាការកាត់ទោសអ្នកកាសែតឌឹឃែមបូឌាដេលី ២នាក់ពីបទផ្សាយព័ត៌មានបន្តមិនពិតនៅវេលាម៉ោង២រសៀលថ្ងៃទី២៦ សីហា ២០១១ នេះ បន្ទាប់ពីបានពន្យារពេលកាលពីថ្ងៃទី៤ សីហា ២០១១ កន្លងទៅដោយសារតែចៅក្រមជាប់រវល់។
អ្នកយកព័ត៌មានជនជាតិខ្មែរ លោកនូវ វណ្ណារិន អាយុ២៦ឆ្នាំ និងលោកឃេវិន ដែលជានិពន្ធនាយករបស់ព្រឹត្តិបត្រឌឹឃែមបូឌា ដេលី ត្រូវបានលោកសុខ រឿន ព្រះរាជអាជ្ញារងសាលាដំបូងរាជធានីភ្នំពេញ បានធ្វើការចោទប្រកាន់ពីបទផ្សាយព័ត៌មានបន្តមិនពិត និងបរិហារកេរ្តិ៍ ដែលព្រឹត្តិបត្រជាភាសាអង់គ្លេសនេះដកស្រង់សម្តីរបស់តំណាងរាស្ត្រគណបក្សសម រង្ស៊ី មួយរូប គឺលោកហូរ វ៉ាន់ ដែលបានប្រាប់កាសែតនេះ ធ្វើឱ្យប៉ះពាល់ដល់មេបញ្ជាការកងទ័ពចំនួន២២រូប កាលពីថ្ងៃទី២២ កញ្ញា ២០០៩។
គេនៅចាំបានថា នៅក្នុងសំណុំរឿងបទផ្សាយព័ត៌មានបន្តមិនពិត និងបរិហារកេរ្តិ៍ត្រូវបានចៅក្រមជំនុំជម្រះឱ្យដឹងថា បើគ្មានអ្វីប្រែប្រួលទេ តុលាការសាលាឧទ្ធរណ៍ត្រូវបើកសវនាការជំនុំជម្រះកាត់ក្តី លើសំណុំរឿងអ្នកកាសែតឌឹឃែមបូឌា ដាលីពីររូបនៅរសៀលម៉ោង២ថ្ងៃទី២៦ សីហា ២០១១ នេះ ៕
ចែករំលែកព័តមាននេះ