ខេត្តកំពង់ចាម ៖ កិច្ចប្រជុំបច្ចេកទេសគម្រោងបែងចែកដីសង្គមកិច្ច និងការអភិវឌ្ឍសេដ្ឋកិច្ច (LASED) បានប្រព្រឹត្តទៅកាលពីថ្ងៃទី២៤ និង២៥ សីហា នៅសាលប្រជុំសាលាខេត្ត ក្រោមអធិបតីភាពលោកលន់ លឹមថៃ អភិបាលរងខេត្តតំណាងឱ្យលោកហ៊ុន ណេង អភិបាលខេត្ត និងលោកជាម ប៉េងអា អនុប្រធាននាយកដ្ឋាន
ខេត្តកំពង់ចាម ៖ កិច្ចប្រជុំបច្ចេកទេសគម្រោងបែងចែកដីសង្គមកិច្ច និងការអភិវឌ្ឍសេដ្ឋកិច្ច (LASED) បានប្រព្រឹត្តទៅកាលពីថ្ងៃទី២៤ និង២៥ សីហា នៅសាលប្រជុំសាលាខេត្ត ក្រោមអធិបតីភាពលោកលន់ លឹមថៃ អភិបាលរងខេត្តតំណាងឱ្យលោកហ៊ុន ណេង អភិបាលខេត្ត និងលោកជាម ប៉េងអា អនុប្រធាននាយកដ្ឋានរដ្ឋបាលមូលដ្ឋានក្រសួងមហាផ្ទៃ និងជាប្រធានក្រុមសម្របសម្រួលបច្ចេកទេសគំរោងបែងចែកដី សង្គមកិច្ច និងការអភិវឌ្ឍ ។សិក្ខាកាមមកពីកំពង់ចាម កំពង់ធំ និងខេត្តក្រចេះសរុបចំនួន១៣០នាក់ ឯស្ថាប័នពាក់ព័ន្ធមានតំណាងធនាគារពិភពលោក (World Bank) អង្គការ GIZ និងអង្គការវឌ្ឍនភាព ។
លោកលន់ លឹមថៃ ថ្លែងថា កិច្ចប្រជុំនេះមានសារសំខាន់ និងមានផលប្រយោជន៍ឆ្លុះបញ្ចាំងពីការចូលរួមសហការផ្លាស់ប្តូរយោបល់ដកស្រង់បទពិសោធន៍ប្រមូលផ្តុំមតិយោបល់រកចំណុចខ្លាំង និងចំណុចខ្សោយ ដើម្បីជាគន្លឹះ និងវិធានការដោះស្រាយលើការងារដែលបានអនុវត្តរយៈពេល២ឆ្នាំកន្លះកន្លងមក និងទិសដៅរយៈពេលខាងមុខរហូតដល់ឆ្នាំ២០១៣ ។ សម្បទានដីសេដ្ឋកិច្ចជាយន្តការផ្ទេរដីឯកជនរបស់រដ្ឋតាមផ្លូវច្បាប់សម្រាប់គោលបំណងសង្គមកិច្ចដល់ជនក្រីក្រដែលគ្មានដីខ្វះដីសម្រាប់សង់លំនៅឋាន និងធ្វើកសិកម្មសម្រាប់គ្រួសារ ។
សម្បទានដីសង្គមកិច្ចជាផ្នែកមួយរបស់អនុវិស័យនៃការបែងចែកដីដែលជាសសរមួយយ៉ាងសំខាន់នៃសសរទាំងបីក្នុងវិស័យដីធ្លី(រដ្ឋបាលដីធ្លី រៀបចំដែនដី និងបែងចែកដី)។ គំរោង (LASED) ជាគម្រោងមួយរបស់រាជ រដ្ឋភិបាលដែលមានរយៈពេលអនុវត្ត៥ឆ្នាំ (២០០៨ដល់២០១៣) ដែលកំពុងដំណើរ ការលើខេត្តចំនួន៣ គឺខេត្តកំពង់ចាម ក្រចេះ កំពង់ធំ រួមមានចំនួន៧ឃុំ ដែលមានផ្ទៃដីសរុប ៧.៦០០ហិកតា ស្មើនឹង១.៦១៤គ្រួសារ ដោយឡែក នៅខេត្តកំពង់ចាមមានឃុំចំនួន១ គឺឃុំជាំក្រវៀន ស្រុកមេមត់ ដែលមានផ្ទៃដីចំនួន ៨៦៣,៦៥ហិកតា និងប្រជាពលរដ្ឋក្រីក្រចំនួន២៥០គ្រួសារកំពុងរស់នៅ និងប្រកបមុខរបរកសិកម្មលើផ្ទៃដីដែលបានបែងចែករួច ។
លោកជាម ប៉េងអា អនុប្រធាននាយកដ្ឋានរដ្ឋបាលមូលដ្ឋានក្រសួងមហាផ្ទៃមានប្រសាសន៍ថា ការផ្តួចផ្តើមឱ្យមានកិច្ចប្រជុំបច្ចេកទេសសំរាប់ខេត្តនីមួយៗ គឺមានសារសំខាន់ដែលអនុញ្ញាតឱ្យមន្រ្តីអនុវត្តគម្រោងទាំងអស់គ្រប់ជំនាញស្ថាប័នដែលស្ថិតនៅក្នុងអង្គភាពដែលចំណុះឱ្យសាលាខេត្ត ហើយក៏
ជាឱកាសបានបែកចែកបទពិសោធន៍នៃគម្រោងនោះផងដែរ ។
លោកបញ្ជាក់បន្ថែមថា រូបលោកបានមកជួបលោកលន់ លឹមថៃ អភិបាលរងខេត្តលើកដំបូងដែលជាការមួយប្រឈមខ្លាំងណាស់ ហើយលោកអភិបាលខេត្តប្តេជ្ញាចិត្តម្តងហើយម្តងទៀតរហូតដល់ធ្វើឱ្យឃុំជាំក្រវៀន នៅស្រុកមេមត់ទទួលបានជោគជ័យគួរឱ្យកត់សម្គាល់ ។ ដោយឡែកនៅក្នុងពេលខាងមុខនេះ ក្រុមបេសកកម្មរបស់ធនាគារពិភពលោក(World Bank ) នឹងចុះមកវាយតម្លៃក្នុងការអនុវត្តគម្រោងដែលមានរយៈពេល២ឆ្នាំកន្លះសម្រាប់ឆ្នាំ(២០១២-២០១៣) បន្តទៀត៕
ចែករំលែកព័តមាននេះ