ខេត្តឧត្តរមានជ័យ ៖ រថយន្តកាមរីស៊េរីឆ្នាំ ៩៣មួយគ្រឿងពណ៌ត្រេអីុ គ្មានស្លាកលេខ ដឹកឈើគ្រញូងពេញ ធ្វើដំណើរចេញពីចំណុចប្រាសាទតាក្របីឆ្ពោះទៅកាន់ស្រុក ស្រីស្នំ ខណៈទៅដល់ឃុំពង្រ ស្រុងចុងកាល់ ក៏ត្រូវក្រុមអង្គការការពារព្រៃឈើ សត្វព្រៃ និងបរិស្ថាន សហការជាមួយក្រុមអ្នកកាសែតចាប់ឃាត់ប្រគល់
ខេត្តឧត្តរមានជ័យ ៖ រថយន្តកាមរីស៊េរីឆ្នាំ ៩៣មួយគ្រឿងពណ៌ត្រេអីុ គ្មានស្លាកលេខ ដឹកឈើគ្រញូងពេញ ធ្វើដំណើរចេញពីចំណុចប្រាសាទតាក្របីឆ្ពោះទៅកាន់ស្រុកស្រីស្នំ ខណៈទៅដល់ឃុំពង្រ ស្រុងចុងកាល់ ក៏ត្រូវក្រុមអង្គការការពារព្រៃឈើ សត្វព្រៃ និងបរិស្ថាន សហការជាមួយក្រុមអ្នកកាសែតចាប់ឃាត់ប្រគល់
ទៅឱ្យប៉ូលិសប៉ុសិ៍្តរដ្ឋបាល ឃុំពង្រ កាលពីវេលាម៉ោង១២យប់ថ្ងៃទី២១ សីហា កន្លងទៅ ប៉ុន្តែក្រោយមកក៏ត្រូវប៉ូលិសដោះលែងបាត់។
មន្ត្រីអង្គការការពារព្រៃឈើ សត្វព្រៃ និងបរិស្ថានបានឱ្យដឹងថា ក្រោយពីបានទទួលព័ត៌មានរាយការណ៍តាមទូរស័ព្ទថា មានរថយន្តកាមរី ស៊េរីឆ្នាំ៩៣ ពណ៌ត្រេអ៊ី១គ្រឿងដឹកឈើគ្រញូងពេញចេញពីចំណុចប្រាសាទតាក្របី លោកក៏បាននាំកម្លាំងអង្គការ និងសហការជាមួយក្រុមអ្នកកាសែតមួយចំនួនចុះទៅចាប់ឃាត់រថយន្តនោះ ។ លុះនៅវេលាម៉ោង១២យប់ថ្ងៃទី២១ សីហា ក៏ឃើញរថយន្តមកដល់ចំណុចខាងលើទើបធ្វើការស្ទាក់ឃាត់ ស្រាប់តែអ្នកបើកបរឈប់រថយន្តនោះ រួចស្ទុះរត់គេចខ្លួនបាត់តែម្តង នៅសល់តែរថយន្ត និងឈើគ្រញូងពេញក្នុងរថយន្ត ។
មន្ត្រីដដែលបន្តទៀតថា ដោយឃើញបែបនេះ ក៏នាំគ្នារុញរថយន្តដែលដឹកឈើគ្រញូងនោះយកទៅផ្ញើនៅប៉ុសិ៍្តរដ្ឋបាលពង្រដែលស្ថិតនៅក្បែរនោះសិន រង់ចាំថ្ងៃស្អែក សឹមរួមគ្នាធ្វើកំណត់ហេតុរួចបញ្ជូនទៅប្រគល់ឱ្យជំនាញរដ្ឋបាលព្រៃឈើ ។ លុះព្រឹកឡើងថ្ងៃទី២២ សីហា ក្រុមអ្នកចាប់បាននាំគ្នាទៅប៉ុស្តិ៍ឃុំពង្រ ស្រាប់តែបាត់មិនឃើញរថយន្តដឹកឈើគ្រញូងនោះ លុះសាកសួរទៅមន្ត្រីប៉ុសិ៍្តត្រូវបានប្រាប់ថា រថយន្តដឹកឈើនោះត្រូវទាហាននាំគ្នាមកភ្ជង់យកទៅបាត់ហើយ។
ទាក់ទិននឹងហេតុការណ៍នេះ មិនអាចទាក់ទងសុំការបំភ្លឺពីលោកជាវ ហុង នាយប៉ុសិ៍្តឃុំពង្របានទេ រយៈពេល៤ថ្ងៃមកហើយ៕
ចែករំលែកព័តមាននេះ