ទីភ្នាក់ងារព័ត៌មានចិនស៊ីនហួកាលពីថ្ងៃទី២៥ សីហា បានចាត់ទុករបាយការណ៍មួយរបស់មន្ទីរប៉ង់តាហ្គោនស្តីពីការបង្កើនកម្លាំងយោធារបស់ចិនថា ជារឿងប្រឌិតទាំងដេកលក់ឈរមួយ។ របាយការណ៍ប្រចាំឆ្នាំរបស់ក្រសួងការពារប្រទេសអាមេរិកស្តីពីកម្លាំងយោធារបស់ចិនចេញផ្សាយកាលពីថ្ងៃទី២៤ សីហា កន្លងមកនេះវាយតម្លៃថា
ទីភ្នាក់ងារព័ត៌មានចិនស៊ីនហួកាលពីថ្ងៃទី២៥ សីហា បានចាត់ទុករបាយការណ៍មួយរបស់មន្ទីរប៉ង់តាហ្គោនស្តីពីការបង្កើនកម្លាំងយោធារបស់ចិនថា ជារឿងប្រឌិតទាំងដេកលក់ឈរមួយ។ របាយការណ៍ប្រចាំឆ្នាំរបស់ក្រសួងការពារប្រទេសអាមេរិកស្តីពីកម្លាំងយោធារបស់ចិនចេញផ្សាយកាលពីថ្ងៃទី២៤ សីហា កន្លងមកនេះវាយតម្លៃថា ចិនខិតខំប្រែក្លាយកងទ័ពខ្លួនទៅជាកងទ័ពទំនើបមួយរហូតដល់ឆ្នាំ២០២០ ដែលអាចបង្កអស្ថេរភាពក្នុងតំបន់អាស៊ី-ប៉ាស៊ីហ្វិក។
ទីភ្នាក់ងារព័ត៌មានចិនស៊ីនហួចាត់ទុករបាយការណ៍នោះថាជារឿងប្រឌិតទាំងដេកលក់ឈរក្នុងបទអត្ថាធិប្បាយមួយរបស់ខ្លួន។ ស៊ីនហួនិយាយថា ចិនបានបង្កើតនយោបាយការពារជាតិមួយក្នុងលក្ខណៈការពារជាមួយនឹងផលវិជ្ជមាននៃការអភិវឌ្ឍន៍សេដ្ឋកិច្ចរបស់ខ្លួនដោយគិតដល់ទំហំនៃផលប្រយោជន៍ពាណិជ្ជកម្ម និងយុទ្ធសាស្ត្រលើពិភពលោក។ ដូច្នេះចិនមានសិទ្ធិកសាងកងទ័ពមានសមត្ថភាពមួយ។ ចិនចាត់ទុកការធ្វើទំនើបភាវូបនីយកម្មកងទ័ពខ្លួនថា ជារឿងសមស្របទៅនឹងទម្ងន់សេដ្ឋកិច្ចរបស់ខ្លួនដែលមានកំណើន ហើយការចំណាយខាងយោធាគឺមានលក្ខណៈការពារ ៕
ចែករំលែកព័តមាននេះ