ក្រុងប៉ោយប៉ែត ៖ សំឡេងផ្ទុះមួយគ្រាំងលាន់ចេញពីក្នុងស្តង់អេតចាយមួយកក្រើកផ្ទះអ្នកស្រុក ធ្វើឱ្យប្រជាពលរដ្ឋ និងកម្មករនៅក្បែរនោះរត់ចែកជើងគ្នាព្រោងព្រាត ព្រោះសង្ស័យថា ជាការផ្ទុះគ្រាប់។ ហេតុការណ៍នេះ កើតឡើងកាលពីវេលាម៉ោង១និង៣០នាទីរសៀលថ្ងៃទី២៤ សីហា ២០១១ ស្ថិតក្នុងភូមិគីឡូម៉ែត្រលេខ៤ សង្កាត់
ក្រុងប៉ោយប៉ែត ៖ សំឡេងផ្ទុះមួយគ្រាំងលាន់ចេញពីក្នុងស្តង់អេតចាយមួយកក្រើកផ្ទះអ្នកស្រុក ធ្វើឱ្យប្រជាពលរដ្ឋ និងកម្មករនៅក្បែរនោះរត់ចែកជើងគ្នាព្រោងព្រាត ព្រោះសង្ស័យថា ជាការផ្ទុះគ្រាប់។ ហេតុការណ៍នេះ កើតឡើងកាលពីវេលាម៉ោង១និង៣០នាទីរសៀលថ្ងៃទី២៤ សីហា ២០១១ ស្ថិតក្នុងភូមិគីឡូម៉ែត្រលេខ៤ សង្កាត់ប៉ោយប៉ែត ក្រុងប៉ោយប៉ែត។
ស្តង់ទទួលទិញ លក់អេតចាយដែលមានសំឡេងផ្ទុះនោះមានម្ចាស់ឈ្មោះឡាយ ភេទប្រុស មានទីតាំងជាប់ផ្លូវជាតិលេខ៥ ។ បើតាមប្រភពព័ត៌មានពីអ្នកស្រុកបានឱ្យដឹងថា ក្នុងហេតុការណ៍ផ្ទុះនោះ បណ្តាលឱ្យបុរសម្នាក់ឈ្មោះម៉ៅ អាយុ៣២ឆ្នាំ រងរបួសធ្ងន់ចំដៃ ខាងឆ្វេង ហើយត្រូវដឹកតាមរថយន្តកូរ៉េមួយគ្រឿង ពណ៌ខៀវ ជាមួយអ្នកបើកបរចេញទៅបាត់។
ទោះបីជាមានប្រភពជាច្រើនសង្ស័យថា ជាការផ្ទុះគ្រាប់ក៏ដោយ ប៉ុន្តែបើតាមការឱ្យដឹងពីលោកសេង ឡុង មេភូមិគីឡូម៉ែត្រលេខ៤ បានប្រាប់ឱ្យដឹងថា សំឡេងផ្ទុះនោះគឺជាការផ្ទុះធុងសាំង។ ចំណែកលោកវរសេនីយ៍ត្រីអ៊ុំ សុផល អធិការនគរបាលក្រុងប៉ោយប៉ែត ក៏អះអាងប្រាប់កោះសន្តិភាព ដូចគ្នាទៅនឹងលោកមេភូមិដែលថា ជាការផ្ទុះធុងសាំង មិនមែនផ្ទុះគ្រាប់ទេ៕
ចែករំលែកព័តមាននេះ