រាជធានីភ្នំពេញ ៖ ប្រជាពលរដ្ឋប្រមាណ១០០នាក់ តំណាងឱ្យ១៧០គ្រួសារមកពីឃុំបុសខ្នុរ និងឃុំតាអុង ស្រុកចំការលើ ខេត្តកំពង់ចាម បានប្រមូលផ្តុំគ្នានៅទីលានប្រជាធិបតេយ្យ ដែលស្ថិតនៅសង្កាត់វត្តភ្នំ ខណ្ឌដូនពេញ កាលពីព្រឹកថ្ងៃទី២៥ សីហា ២០១១ ដើម្បីសុំអន្តរាគមន៍ពីសម្តេចអគ្គមហាសេនាបតីតេជោហ៊ុន
រាជធានីភ្នំពេញ ៖ ប្រជាពលរដ្ឋប្រមាណ១០០នាក់ តំណាងឱ្យ១៧០គ្រួសារមកពីឃុំបុសខ្នុរ និងឃុំតាអុង ស្រុកចំការលើ ខេត្តកំពង់ចាម បានប្រមូលផ្តុំគ្នានៅទីលានប្រជាធិបតេយ្យ ដែលស្ថិតនៅសង្កាត់វត្តភ្នំ ខណ្ឌដូនពេញ កាលពីព្រឹកថ្ងៃទី២៥ សីហា ២០១១ ដើម្បីសុំអន្តរាគមន៍ពីសម្តេចអគ្គមហាសេនាបតីតេជោហ៊ុន សែន ជួយកុំឱ្យក្រុមហ៊ុន អានម៉ារ៉ាឌី ផ្លាស់ប្តូរលំនៅឋានរបស់ពួកគាត់ដែលកំពុងរស់នៅសព្វថ្ងៃទៅទីតាំងផ្សេង។
យោងតាមញត្តិរបស់ប្រជាពលរដ្ឋដែលរស់នៅឃុំទាំងពីរខាងលើ ដាក់ជូនសម្តេចតេជោហ៊ុន សែន បានលើកឡើងថា ៖
ពួកគាត់ជាប្រជាពលរដ្ឋរស់នៅភូមិ៣១, ៣២ និង៤៥ ឃុំតាអុង និងឃុំបុសខ្នុរ ស្រុកចំការលើ ចំនួន១៧០គ្រួសារ បានរស់នៅទីតាំងចាស់តាំងពីឆ្នាំ១៩៧៩ រហូតសាងសង់ផ្ទះ ដាំដំណាំហូបផ្លែ មានសាលារៀន មន្ទីរពេទ្យ ព្រមទាំងមានទឹកភ្លើង ដែលជាដង្ហើមរបស់ប្រជាពលរដ្ឋ ជាពិសេសផ្លូវថ្នល់តែម្តង។ ស្រាប់តែមកដល់ពេលនេះ ខាងក្រុមហ៊ុនអានម៉ារ៉ាឌី បែរជាបង្ខំឱ្យពួកគាត់ទៅរស់នៅក្បែរកន្លែងផ្សេង ដែលគ្មានអ្វីទាំងអស់។ ដោយសារមិនមានអាជ្ញាធរមូលដ្ឋានណាចេញមុខដោះស្រាយ ទើបពួកគាត់នាំគ្នាមករាជធានីភ្នំពេញធ្វើការជួបជុំនៅទីលានប្រជាធិបតេយ្យ ប្រយោជន៍ដើម្បីសុំឱ្យសម្តេចអគ្គមហាសេនាបតីតេជោហ៊ុន សែន ជួយអន្តរាគមន៍ដល់ក្រុមហ៊ុនអានម៉ារ៉ាឌី កុំបណ្តេញពួកគាត់ចេញពីលំនៅឋានចាស់ដែលរស់នៅបច្ចុប្បន្ន និងសុំឱ្យសម្តេចតេជោជួយផ្តល់សិទ្ធិស្របច្បាប់។
នៅព្រឹកថ្ងៃដដែលក្រុមលេខាខុទ្ទកាល័យសម្តេចអគ្គមហាសេនាបតីតេជោហ៊ុន សែន បានណែនាំដល់ពួកគាត់ ឱ្យធ្វើញត្តិឡើងវិញដើម្បីដាក់ជូនខុទ្ទកាល័យសម្តេចតេជោ៕
ចែករំលែកព័តមាននេះ