ពួកឧទ្ទាមលីប៊ីកាលពីថ្ងៃទី២៤ សីហា បានដណ្តើមត្រួតត្រាប្លុកអគារទីបញ្ជាការធំរបស់លោកមូអាម៉ា កាដាហ្វី ជាការសំពងយ៉ាងដំណំបំផុតលើរបបលីប៊ីដែលសួឈាមស្រាប់ ក៏ប៉ុន្តែមេដឹកនាំលីប៊ីនៅតែពុំទាន់រកឃើញដោយលោកអះអាងនាថ្ងៃទី២៤ សីហា ថា កងកម្លាំងរបស់លោកដកថយពីទីនោះដោយសារហេតុផលយុទ្ធសាស្ត្រប៉ុណ្ណោះ
ពួកឧទ្ទាមលីប៊ីកាលពីថ្ងៃទី២៤ សីហា បានដណ្តើមត្រួតត្រាប្លុកអគារទីបញ្ជាការធំរបស់លោកមូអាម៉ា កាដាហ្វី ជាការសំពងយ៉ាងដំណំបំផុតលើរបបលីប៊ីដែលសួឈាមស្រាប់ ក៏ប៉ុន្តែមេដឹកនាំលីប៊ីនៅតែពុំទាន់រកឃើញដោយលោកអះអាងនាថ្ងៃទី២៤ សីហា ថា កងកម្លាំងរបស់លោកដកថយពីទីនោះដោយសារហេតុផលយុទ្ធសាស្ត្រប៉ុណ្ណោះ ។
ទូរទស្សន៍ក្នុងស្រុក AL OROUBA រាយការណ៍ថា លោកកាដាហ្វីអះអាងនាព្រឹកព្រលឹមថ្ងៃទី២៤ សីហា ថា ការដកថយចេញពីប្លុក BAB AL AZIZIYA ក្រុងទ្រីប៉ូលី មានលក្ខណៈយុទ្ធសាស្ត្រមួយប៉ុណ្ណោះ ។ លោកកាដាហ្វីគូសបញ្ជាក់ថា ប្លុកនេះត្រូវបានអូតង់កម្ទេចតាមរយៈការវាយប្រហារតាមអាកាសប្រមាណជា៦៤លើករួចមកហើយ ។ ប្រភពនេះបន្តថា មេដឹកនាំលីប៊ីរូបនេះសច្ចាថា នឹងប្រយុទ្ធប្រឆាំងពួកឈ្លានពានរហូតដល់ស្លាប់ ឬទទួលជោគជ័យ ។
លោកកាដាហ្វីដែលហាក់ដូចជាត្រៀមប្រើយុទ្ធសាស្ត្របង្កហេតុរហូតដល់ទីបញ្ចប់នោះក្នុងសារមួយចេញផ្សាយកាលពីថ្ងៃទី២៤ សីហា បានអំពាវនាវដល់ប្រជាជនឱ្យបោសសំអាតពពួកសត្វកណ្តុរ (ពួកឧទ្ទាម) ចេញពីទីក្រុងទ្រីប៉ូលី ។ ក្នុងសារលោកកាដាហ្វី និយាយថា លោកបន្លំខ្លួនដើរតាមដងវិថីទាំងឡាយនៃក្រុងទ្រីប៉ូលី ។ ខ្ញុំដើរកម្សាន្តដោយគ្មាននរណាមើលស្គាល់ខ្ញុំឡើយ ហើយខ្ញុំបានឃើញបណ្តាយុវជនត្រៀមខ្លួនការពារទីក្រុងរបស់ពួកគេ ។ តែលោកពុំបញ្ជាក់ឡើយ ថា តើនាពេលណាលោក ធ្វើដំណើរកម្សាន្តបែបនេះ ។ មុននេះលោកកាដាហ្វីធ្លាប់បានថ្លែងថា BAB AL AZIZIYA គ្រាន់តែជាគំនរបាក់បែកមួយប៉ុណ្ណោះ ហើយយើងបានដកថយពិធីនោះតាមក្បួនយុទ្ធ
សាស្ត្រ ។
ចំណែកអ្នកនាំពាក្យរបស់រដ្ឋាភិបាលលោកមូសា អ៊ីប្រាហ៊ីម វិញ រហូតដល់អំពាវនាវដល់ពួកអ្នកស្ម័គ្រចិត្តឱ្យរួបរួមជាមួយពួកអ្នកគាំទ្រលោកកាដាហ្វីដោយអះអាងថា មនុស្សប្រមាណជា៦.៥០០នាក់ បានបង្ហាញខ្លួនរួចហើយរយៈពេលប៉ុន្មានម៉ោងចុងក្រោយនេះ និងថារបបលីប៊ី នឹងប្រែក្លាយលីប៊ីទៅជារងើកភ្លើងមួយ ប្រសិនបើការវាយប្រហារនានានៅបន្តទៀត ។
ម្យ៉ាងវិញទៀត ប្រមុខក្រុមប្រឹក្សាជាតិបណ្តោះអាសន្នលីប៊ី CNT លោកមូស្តាហ្វា អាប់ដែល ចាលីល បញ្ជាក់កាលពីថ្ងៃទី២៤ សីហា តាមទូរទស្សន៍បារាំងថា មនុស្សប្រមាណជា៤០០នាក់ បានត្រូវស្លាប់ និង២០០០នាក់ទៀតត្រូវរបួសរយៈពេល៣ថ្ងៃក្នុងការប៉ះទង្គិចគ្នានានារវាងកងទ័ពរដ្ឋាភិបាល និងកងកម្លាំងឧទ្ទាមក្នុងរដ្ឋធានីលីប៊ី ។ លោកចាលីលបន្តថា សមាជិកកងកម្លាំងរដ្ឋាភិបាលប្រមាណជា៦០០នាក់ត្រូវចាប់ឃុំឃាំង ៕
ចែករំលែកព័តមាននេះ