ស្ត្រី​ម្នាក់​ត្រូវ​គេ​រក​ឃើញចង.ក​សម្លាប់​ខ្លួន​​ទាំង​​ខ្លួន​​ប្រាណ​អាក្រាត​​ក្នុងផ្ទះមិត្តប្រុស​ដែល​ជា​មហា​សេដ្ឋី​នៅទីក្រុង ​Santiego​ កាលពីខែ​មុន​និង​ត្រូវ​គេ​អះ​អាង​​ថាជា​អំពើ​អត្តឃាត​។ ​នាង Rebecca Zahau​ សំរេ​ច​ចិត្ត​ចង​.ក​​សម្លាប់ខ្លួន​ក្នុងផ្ទះតំលៃ​១២លាន​ដុល្លាររបស់​មិត្តប្រុសដោយ​សារនាងត្រូវគេ​ចោទប្រកាន់ថា ​ជាប់​​ពាក់ព័ន្ធ​គ្រោះថ្នាក់​ធ្លាក់កាំ​ជណ្តើរ​​បណ្តាល​ឱ្យ​កូន​ប្រុស​​អាយុ៦ឆ្នាំ​របស់មិត្តប្រុស​​របួស​ធ្ងន់ ​គឺមុនពីរ​​ថ្ងៃ​ដែល​​នាង​ចង.ក​សម្លាប់​ខ្លួន។

នាងជាអ្នកមើលកូនប្រុស Max Shacknai​របស់​សង្សារ តែធ្វើឲ្យក្មេងប្រុសនោះ​រង​របួស​ក្បាល​ធ្ងន់ធ្ងរក្រោយពីធ្លាក់ពីលើកាំជណ្តើរផ្ទះ។ ក្រោយពី Max Shacknai ធ្លាក់ពី​កម្ម​ជណ្តើរ​២ថ្ងៃ សាកសពនាង Zahau ត្រូវបាន​គេ​រក​ឃើញនៅក្នុងផ្ទះទាំងរាងកាយអាក្រាត និង​ចង​ដៃ ចងជើងផង។

ពីរថ្ងៃក្រោយមក​ក្មេង​ប្រុស​ Max Shacknai ​ដែល​ធ្លាក់​ពី​កាំជណ្តើរ​បានស្លាប់ក្នុង​មន្ទីរ​ពេទ្យ​កុមារ។ ក្រុ​មអ្នកស៊ើបអង្កេតមិនដែល​គិតត​ភ្ជាប់ការស្លាប់​ទាំង​ពីរបញ្ចូលគ្នាឡើយ ព្រោះ​គេ​​គិត​ថា ការ​ស្លាប់​របស់ Max ជាឧបទ្ទវ​ហេតុ។ ចំណែកមូលហេតុនៃការចងដៃចងជើងខ្លួន​ឯងរបស់នាង Zahau ដោយសារនាងមិនចង់​ជួយ​ខ្លួនឯង តែខ្លួនអាក្រាតរបស់នាងនៅតែជា​ចម្ងល់ ៕