ខេត្តក្រចេះ ៖ បុរសជនជាតិវៀតណាមម្នាក់បានស្លា.ប់បាត់បង់ជីវិតគួរឱ្យរន្ធត់ ដោយសារតែជាប់នៅក្នុងរថយន្តចេញមិនរួច ខណៈបើករថយន្តលឿនស្លេវបុករនាំងមុខស្ពានក្រឡាប់ធ្លាក់ចូលទឹក ព្រែក លិចបាត់តែម្តង។ហេតុការណ៍នេះ កើតឡើងកាលពីវេលាម៉ោង១៣និង៣០នាទីរសៀលថ្ងៃទី២៤ សីហា ២០១១ លើកំណាត់ផ្លូវ
ខេត្តក្រចេះ ៖ បុរសជនជាតិវៀតណាមម្នាក់បានស្លាប់បាត់បង់ជីវិតគួរឱ្យរន្ធត់ ដោយសារតែជាប់នៅក្នុងរថយន្តចេញមិនរួច ខណៈបើករថយន្តលឿនស្លេវបុករនាំងមុខស្ពានក្រឡាប់ធ្លាក់ចូលទឹកព្រែក លិចបាត់តែម្តង។ហេតុការណ៍នេះ កើតឡើងកាលពីវេលាម៉ោង១៣និង៣០នាទីរសៀលថ្ងៃទី២៤ សីហា ២០១១ លើកំណាត់ផ្លូវជាតិលេខ៧៣ នៅមុខក្បាលស្ពានព្រែកជីក ស្ថិតក្នុងភូមិព្រែកជីក ឃុំកញ្ជរ ស្រុកឆ្លូង។
ប្រភពព័ត៌មានពីកន្លែងកើតហេតុ បានឱ្យដឹងថា ទីតាំងកើតហេតុនេះ កាលពីឆ្នាំ២០១០ កន្លងទៅធ្លាប់កើតមានគ្រោះថ្នាក់ចរាចរណ៍លើស្ពានចាស់នេះម្តង ដែលកាលនោះបានបង្កឱ្យមានបុរសម្នាក់ជាមន្ត្រីនៃមន្ទីរសាធារណការខេត្តស្លាប់ ដោយសារតែរថយន្តប៉ះទង្គិចគ្នាខ្ទាតធ្លាក់ពីលើស្ពាន។ គ្រោះថ្នាក់លើកនេះគេឃើញប៉ូលិសចរាចរដឹកនាំដោយលោកឧត្តមសេនីយ៍ត្រីជួង ស៊ាងហាក់ ស្នងការនគរបាលខេត្តចុះទៅពិនិត្យមើល ចាត់ចែងស្ទូចរថយន្តនោះឡើងគោក និងគាស់ទ្វារយកសពចេញ ។
ជនជាតិវៀតណាមម្នាក់នេះមានអាយុប្រហែលជាង៤០ឆ្នាំ អ្នកខ្លះស្គាល់ថា ជាបុគ្គលិករបស់ក្រុមហ៊ុនវៀតណាមណាមួយ។ រីឯរថយន្តធ្លាក់ទឹកម៉ាកហ្វដ រេនជ័រ ពណ៌ខ្មៅ ពាក់ស្លាកលេខ វៀតណាម 65M 2347 បើកបរពីទិសខាងជើងមកត្បូង (ចេញពីស្រុកឆ្លូងទៅកាន់ក្រុងក្រចេះ)៕
ចែករំលែកព័តមាននេះ