ដោយសារអត្រានៃការលែងលះរបស់ប្រជាជនចិនកើនឡើង និងភាពភ័យខ្លាចការរីកសាយវប្បធម៌សម្ភារនិយម រដ្ឋាភិបាលចិនពេលនេះព្យាយាមបញ្ចប់បញ្ហាស្ត្រីរៀបការដើម្បីទ្រព្យសម្បត្តិ។ ក្នុងទីក្រុងរីកចំរើនធំៗរបស់ប្រទេសចិន ក្នុងនាមជាប្តីត្រូវបានគេឱ្យតម្លៃលើស្ត្រីក្នុងលក្ខខណ្ឌមានផ្ទះផ្ទាល់ខ្លួន អាចមានរថយន្តពេលក្រោយ
ដោយសារអត្រានៃការលែងលះរបស់ប្រជាជនចិនកើនឡើង និងភាពភ័យខ្លាចការរីកសាយវប្បធម៌សម្ភារនិយម រដ្ឋាភិបាលចិនពេលនេះព្យាយាមបញ្ចប់បញ្ហាស្ត្រីរៀបការដើម្បីទ្រព្យសម្បត្តិ។ ក្នុងទីក្រុងរីកចំរើនធំៗរបស់ប្រទេសចិន ក្នុងនាមជាប្តីត្រូវបានគេឱ្យតម្លៃលើស្ត្រីក្នុងលក្ខខណ្ឌមានផ្ទះផ្ទាល់ខ្លួន អាចមានរថយន្តពេលក្រោយ មុនរៀបការ ទើបគូស្រករយល់ព្រមរៀបការ។ ហេតុនេះដើម្បីសម្រួលនិងកាត់បន្ថយក្តីសង្ឃឹមរបស់ស្ត្រីចិន តុលាការកំពូល បានចេញច្បាប់ថា អ្នកដែលទិញផ្ទះដើម្បីគ្រួសារ ឬឪពុកម្តាយយកប្រាក់ពួកគេក្តី នឹងត្រូវរក្សាទុកក្នុងពេលលែងលះ។
លោកHu Jiachu មេធាវីក្នុងខេត្តHunan និយាយថា គេសង្ឃឹមថាច្បាប់នោះ នឹងជួយបង្រៀនប្រជាជនក្មេងៗ ពិសេសក្មេងស្រី ឱ្យមានភាពឯករាជ្យ ម្ចាស់ការ និងគិតថា អាពាហ៍ពិពាហ៍ជារឿងមួយសំខាន់ជាងការដើរចាយលុយទិញទំនិញក្នុងផ្សារ។
តម្លៃអចលនទ្រព្យក្នុងប្រទេសចិនកើនឡើងក្នុងទីក្រុងសៀងហៃដល់៧.៩៣៤ដុល្លារក្នុងមួយម៉ែត្រការ៉េ ស្របពេលដែលប្រាក់ចំណូលប្រចាំឆ្នាំមានត្រឹមតែ៩.៥២១ដុល្លារ។
លោកWang Zhiguo ទីប្រឹក្សាក្រុមហ៊ុនBaihe ក្នុងទីក្រុងប៉េកាំងនិយាយថា មានក្មេងស្រីកាន់តែច្រើនឡើងៗ ដែលចង់រៀបការជាមួយបុរសអ្នកមាន ដើម្បីបង្កើនប្រាក់ចំណូលហិរញ្ញវត្ថុរបស់ពួកគេ។ បញ្ហានេះត្រូវបានគេមើលឃើញថាពិតជាកើនឡើងមែន។
ស្ថិតិថ្មីបានបង្ហាញថា មានការលែងលះចំនួន២,៨លានករណីកាលពីឆ្នាំមុន ហើយការលែងលះកាន់តែច្រើនឡើងស្របពេលដែលសេដ្ឋកិច្ចជាតិកាន់តែរីកចំរើននិងបានកើនឡើង៧ភាគរយក្នុងរយៈពេល៥ឆ្នាំចុងក្រោយនេះ ៕
ចែករំលែកព័តមាននេះ