ខេត្តកំពង់ស្ពឺ ៖ កុងត្រូលជជុះរបស់អង្គការចំនួនពីរដែលកំពុងធ្វើសកម្មភាព ចាប់ឃាត់រ៉ឺម៉កធ្យូង រទេះដឹកឫស្សី រថយន្តដឹកអុស នៅតាមដងផ្លូវក្នុងស្រុកឱរ៉ាល់ និងក្នុងស្រុកឧដុង្គ ថ្ពង និងស្រុកភ្នំស្រួច គឺអង្គការការពារបរិស្ថាន និងសិទ្ធិប្រជាពលរដ្ឋកម្ពុជា និងអង្គការឃ្លាំមើលធនធានធម្មជាតិ និងបរិស្ថាន។ ករណីនេះធ្លាប់ត្រូវបាន
ខេត្តកំពង់ស្ពឺ ៖ កុងត្រូលជជុះរបស់អង្គការចំនួនពីរដែលកំពុងធ្វើសកម្មភាពចាប់ឃាត់រ៉ឺម៉កធ្យូង រទេះដឹកឫស្សី រថយន្តដឹកអុស នៅតាមដងផ្លូវក្នុងស្រុកឱរ៉ាល់ និងក្នុងស្រុកឧដុង្គ ថ្ពង និងស្រុកភ្នំស្រួច គឺអង្គការការពារបរិស្ថាន និងសិទ្ធិប្រជាពលរដ្ឋកម្ពុជា និងអង្គការឃ្លាំមើលធនធានធម្មជាតិ និងបរិស្ថាន។ ករណីនេះធ្លាប់ត្រូវបានចុះផ្សាយម្តងហើយ ខណៈពួកគេដាក់កុងត្រូលនៅចំណុចកណ្តោលជុំនោះ ។
អង្គការនេះបានធ្វើសកម្មភាពជិតពីរខែ ហើយ ដែលដើរដាក់កុងត្រូលជជុះយកលុយតាមរទេះ ឬរ៉ឺម៉កធ្យូង រថយន្តដឹកអុស ពុំមានរួចមួយគ្រឿងណាឡើយ ។ ករណីនេះ អភិបាលស្រុកឧដុង្គលោកពូល នៅ បានប្រាប់ថា ជាគោលការណ៍អង្គការនេះពុំត្រូវដាក់កុងត្រូលទារលុយពីប្រជាពលរដ្ឋដឹកអុសធ្យូង អនុផលព្រៃ ឈើ ដែលបម្រើជីវភាពក្នុងគ្រួសារនោះទេ ។ លោកក៏ធ្លាប់បានអញ្ជើញលោកប្រធានគ្រប់គ្រងអង្គការនេះឱ្យចូលខ្លួនទៅសាលាស្រុក ដោយហាមពុំឱ្យក្រុមហ៊ុនដាក់កុងត្រូលទារលុយបែបនេះតទៅទៀត ប៉ុន្តែក្រុមនេះនៅតែល្មើសនឹងការហាមប្រាមដដែល។ នៅឯសាលាខេត្តកំពង់ស្ពឺ លោកអភិបាលខេត្តក៏បានណែនាំចំពោះករណីនេះផងដែរ ដែលលោកចាត់ទុកថាជាករណីខុសច្បាប់ដែលប្រជាពលរដ្ឋទូទៅពុំអាចទទួលយកបានទេ។ សកម្មភាពរបស់ពួកគេមិនចេះខ្មាសអៀនទេ គឺស្ទាក់មុខស្ទាក់ក្រោយ ដេញតាមយ៉ាងប្រកាច ធ្វើឱ្យប៉ះពាល់ដល់ការងារប្រជាពលរដ្ឋក្នុងការធ្វើដំណើរ ម្យ៉ាងទៀត ធ្វើឱ្យប៉ះពាល់ដល់សង្គមជាតិទទួលនូវភាពអាម៉ាសផងដែរ នៅពេលដែលមានរថយន្តទេសចរទាំងក្នុង និងក្រៅប្រទេសឆ្លងកាត់ម្តងម្កាលនោះ ។
ប្រជាពលរដ្ឋបាននិយាយថា ការដាក់កុងត្រូលជជុះទារលុយជាប្រចាំតាមដងផ្លូវបែបនេះ មានអ្នកទទួលខុសត្រូវឈ្មោះលោកអំ រដ្ឋា ដែលឈរជើងតាមកុងត្រូលតាមបណ្តាស្រុកនានា។ កោះសន្តិភាពព្យាយាមទូរស័ព្ទ ដើម្បីជួបសម្ភាសន៍ផ្ទាល់ ប៉ុន្តែពុំមានជំនួបពីអង្គការការពារបរិស្ថាន និងសិទ្ធិពលរដ្ឋកម្ពុជាទេ។
ទោះបីជាបែបណា លោកអភិបាលខេត្តបានជ្រាបហើយ ពីសកម្មភាពអនាធិបតេយ្យនេះ ៕
ចែករំលែកព័តមាននេះ