អ្នកនាំពាក្យរបស់អូតង់លោកស្រី OANA LUNGESCU អះអាងកាលពីថ្ងៃទី២៣ សីហា នៅក្រុងប្រ៊ុចសែលថា អូតង់នឹងមិនបញ្ជូនកងទាហានទៅកាន់លីប៊ីឡើយ ហើយដើរតួនាទីគ្រាន់តែជាអ្នកជួយទ្រទ្រង់មួយប៉ុណ្ណោះនៅលីប៊ី ក្រោយលោកកាដាហ្វី ។
អ្នកនាំពាក្យរបស់អូតង់លោកស្រី OANA LUNGESCU អះអាងកាលពីថ្ងៃទី២៣ សីហា នៅក្រុងប្រ៊ុចសែលថា អូតង់នឹងមិនបញ្ជូនកងទាហានទៅកាន់លីប៊ីឡើយ ហើយដើរតួនាទីគ្រាន់តែជាអ្នកជួយទ្រទ្រង់មួយប៉ុណ្ណោះនៅលីប៊ី ក្រោយលោកកាដាហ្វី ។
ក្នុងឱកាសនៃសន្និសីទសារព័ត៌មានមួយនៅឯទីស្នាក់ការអូតង់ស្ត្រីអ្នកនាំពាក្យរូបនេះថ្លែងថា តួនាទីនាំមុខក្នុងដំណាក់កាលក្រោយលោកកាដាហ្វី ជួយទ្រទ្រង់ដល់ប្រជាជនលីប៊ីធ្លាក់លើ អ.ស.ប និងក្រុមប្រាស្រ័យទាក់ទង។ អូតង់នឹងដើរតួនាទីជាអ្នកជួយទ្រទ្រង់ ហើយអូតង់នឹងពុំមានកងទ័ពនៅលើទីលានឡើយ។
ឯកអគ្គរដ្ឋទូតរបស់បណ្តាប្រទេសជាសមាជិកអូតង់នៅក្រុងប្រ៊ុចសែលបានរួមប្រជុំគ្នានារសៀលថ្ងៃទី២៣ សីហា ដើម្បីពិភាក្សាពីតួនាទីដែលអូតង់អាចដើរក្រោយការដួលរលំទាំងស្រុងនៃរបបលោកកាដាហ្វី។ អ្នកនាំពាក្យបន្តថា អូតង់ត្រូវមានការប្រុងប្រយ័ត្នចំពោះការនៅក្រាញតស៊ូរបស់បណ្តាសមាជិកនៃកងកម្លាំងដែលនៅស្មោះត្រង់ចំពោះលោកកាដាហ្វី ។ បេសកម្មរបស់យើងនៅពុំទាន់បញ្ចប់នៅឡើយ។
ទន្ទឹមនឹងនេះ វរសេនីយ៍ឯក ROLAND LAVOIE អ្នកនាំពាក្យរបស់បេសកកម្មអូតង់នៅលីប៊ីអះអាងថា សភាពការណ៍នៅក្រុងទ្រីប៉ូលី អាចនៅផុយស្រួយ និងស្មុគ្រស្មាញដោយបន្តថា អូតង់ នឹងបន្តប្រតិបត្តិការយោធារបស់ខ្លួននៅលីប៊ី។ លោកក៏គូសបញ្ជាក់ផងដែរថា អូតង់ពុំដឹងថាតើលោកកាដាហ្វី លាក់ខ្លួននៅទីណាឡើយ ក៏ប៉ុន្តែអះអាងថា «រឿងនេះលែងជារឿងសំខាន់ពិតប្រាកដទៀតហើយ»៕
ចែករំលែកព័តមាននេះ