វិទ្យាស្ថានភូមិវិទ្យាអាមេរិក USGS រាយការណ៍ថា ការរញ្ជួយដីមួយមានកម្លាំង៥,៩រីស្ទ័រ កើតមានកាលពីថ្ងៃទី២៣ សីហា នៅតំបន់ឆ្នេរសមុទ្រខាងកើតរបស់សហរដ្ឋអាមេរិក ចាប់ពីរដ្ឋវៀរជីនៀ រហូតដល់រដ្ឋបូស្តុន និងដល់ទីក្រុងតូរ៉ុងតូ ប្រទេសកាណាដាផងដែរ។
វិទ្យាស្ថានភូមិវិទ្យាអាមេរិក USGS រាយការណ៍ថា ការរញ្ជួយដីមួយមានកម្លាំង៥,៩រីស្ទ័រ កើតមានកាលពីថ្ងៃទី២៣ សីហា នៅតំបន់ឆ្នេរសមុទ្រខាងកើតរបស់សហរដ្ឋអាមេរិក ចាប់ពីរដ្ឋវៀរជីនៀ រហូតដល់រដ្ឋបូស្តុន និងដល់ទីក្រុងតូរ៉ុងតូ ប្រទេសកាណាដាផងដែរ។
អគារទាំងឡាយញ័ររញ្ជួយ ហើយមនុស្សទាំងឡាយត្រូវជម្លៀសចេញ ក្នុងនោះរួមទាំងវិមានសភាកាពីតូល សេតវិមាន មន្ទីរប៉ង់តាហ្គោន ក្នុងរដ្ឋធានីវ៉ាស៊ីនតោន ។ រេអាក់ទ័រនុយក្លេអ៊ែរ២នៃមជ្ឈមណ្ឌលនុយក្លេអ៊ែរ NORTH ANNA STATION នៅមីណេរ៉ាល់ ត្រូវបិទដោយស្វ័យប្រវត្តិក្រោយការរញ្ជួយដី។ នេះជាការបញ្ជាក់របស់គណៈកម្មាធិការគ្រប់គ្រងនុយក្លេអ៊ែរអាមេរិក NRC ដែលបញ្ជាក់ថា ពុំមានគ្រោះថ្នាក់ណាមួយដល់សាធារណជនឡើយ។
សម្រាប់ពេលនេះនៅពុំទាន់មានសេចក្តីរាយការណ៍ពីជនរងគ្រោះ ឬការខូចខាតធំដុំនៅឡើយ ក្រោយការរញ្ជួយដីនេះដែលចំណុចកណ្តាលរបស់វា ស្ថិតនៅមីណេរ៉ាល់ ជាមូលដ្ឋានមួយនៃរដ្ឋវៀរជីនៀ ។ ការរញ្ជួយដីនេះកើតមានក្នុងជម្រៅយ៉ាងតិច១គីឡូម៉ែត្រក្រោមដី។
នៅក្រុងញូវយ៉ក អគារជាច្រើនដូចជាវិមានយុត្តិធម៌ និងសណ្ឋាគារនៃទីក្រុងត្រូវបានជម្លៀសមនុស្សចេញ។ ការដ្ឋានសាងសង់នៅឯទីតាំងមជ្ឈមណ្ឌលពាណិជ្ជកម្មពិភពលោក WTC ត្រូវបានបញ្ឈប់។ គេនៅពុំទាន់ដឹងថា តើបណ្តាញមេត្រូក្រុងញូវយ៉កត្រូវរងការប៉ះពាល់ដោយសារការរញ្ជួយដីនោះដែរឬយ៉ាងណាឡើយ។ នៅក្រុងវ៉ាស៊ីនតោន និយោជិតទាំងឡាយធ្វើការក្នុងការិយាល័យបាននាំគ្នារត់ចុះមកនៅតាមដងវិថី ក្រោយការរញ្ជួយដីដែលមានរយៈពេលប្រមាណជា៥វិនាទី៕
ចែករំលែកព័តមាននេះ