ខេត្តពោធិ៍សាត់ ៖ មនុស្ស២នាក់បានស្លា.ប់ និង៥នាក់ផ្សេងទៀតរងរបួសដោយគ្រោះថ្នាក់៤ករណីផ្សេងគ្នាក្នុងថ្ងៃតែមួយ គឺថ្ងៃទី២២ សីហា ២០១១។ ករណីទី១កើតឡើងកាលពីវេលាម៉ោង១១និង៤៥នាទីព្រឹកនៅភូមិអូបាក់ត្រា ឃុំព្រងិល ស្រុកភ្នំក្រវាញ ដោយរថយន្តធុនហ្សីលរបស់ក្រុមហ៊ុនចិនបានបើកទៅបុកពី
ខេត្តពោធិ៍សាត់ ៖ មនុស្ស២នាក់បានស្លាប់និង៥នាក់ផ្សេងទៀតរងរបួសដោយគ្រោះថ្នាក់៤ករណីផ្សេងគ្នាក្នុងថ្ងៃតែមួយ គឺថ្ងៃទី២២ សីហា ២០១១។ ករណីទី១កើតឡើងកាលពីវេលាម៉ោង១១និង៤៥នាទីព្រឹកនៅភូមិអូបាក់ត្រា ឃុំព្រងិល ស្រុកភ្នំក្រវាញ ដោយរថយន្តធុនហ្សីលរបស់ក្រុមហ៊ុនចិនបានបើកទៅបុកពី
ក្រោយអ្នកជិះម៉ូតូ បណ្តាលអោយអ្នកបើកម៉ូតូស្លាប់ភ្លាមៗនៅនឹងកន្លែងកើតហេតុ។ ជនរងគ្រោះដែលស្លាប់ឈ្មោះគឿន សុភាព ភេទប្រុសអាយុ១៩ឆ្នាំ មានទីលំនៅនិងឃុំប៉ោយសំរោង ស្រុកថ្មគោល ខេត្តបាត់ដំបង។
ករណីទី២បានកើតឡើងកាលពីវេលាម៉ោង ៣និង៣០នាទីរសៀល នៅភូមិស្វាយប៉ាក ឃុំព្រងិលដដែល ដោយក្មេងស្រី អាយុ៥ឆ្នាំ ឈ្មោះ ម៉ាយ៉ា ជនជាតិខ្មែរអិស្លាម ត្រូវរថយន្តបុកស្លាប់ខណៈពេលរត់ឆ្លងថ្នល់។ បន្ទាប់ពីបុករួច រថយន្តបង្កបានបើករត់បាត់ប៉ុន្តែត្រូវបានសម្ថកិច្ចដឹងថា រថយន្តនោះម៉ាកតូយ៉ូតា ពណ៌កណ្តុរល្មែះ សេរី៨៩ ពាក់ស្លាកលេខ ពោធិ៍សាត់ 2E-8251 បើកបរដោយឈ្មោះវ៉ា សុងហ៊ីម ភេទប្រុស អាយុ៤១ឆ្នាំ មានទីលំនៅភូមិវាលវង់ ឃុំរកាត ស្រុកភ្នំក្រវាញជាភ្នាក់ងារកាសែតជាតិ។ ករណីទី៣កើតឡើងកាលពីវេលាម៉ោង៧និង៣០នាទីយប់ ដោយម៉ូតូបុកជាមួយម៉ូតូស្ថិតនៅទំនប់ឈើតោកភូមិស្រែពពាយ ឃុំសន្ទ្រែ ស្រុកភ្នំក្រវាញដដែលបណ្តាលឱ្យអ្នកបើកម៉ូតូទំាងសងខាង របួសធ្ងន់ទំាងពីរនាក់។ ដោយម្នាក់ឈ្មោះឡុង យុទ្ធ ភេទប្រុស អាយុ៣៧ឆ្នាំ របួសបាក់ឆ្អឹងជំនីរ បញ្ជូនទៅកាន់មន្ទីពេទ្យខេត្តបាត់ដំបង និងម្នាក់ទៀត ឈ្មោះគានលិញភេទប្រុសអាយុ១៨ឆ្នាំសន្លប់ បាត់ស្មារតី បុរសនេះសមត្ថកិច្ចអះអាងថាស្រវឹង ស្រា។ ទំាងពីនាក់មានទីលំនៅក្នុងស្រុកភ្នំ ក្រវាញដូចគ្នា។
ករណីទី៤កើតឡើងកាលពីវេលាម៉ោង៨និង ៣០នាទីយប់ នៅភូមិទទឹង ឃុំអន្លង់ត្នោត ស្រុកក្រគរ ដោយរថយន្តបុកម៉ូតូដែលជិះគ្នា៣នាក់បណ្តាលអោយបាក់ភ្លៅ បែកក្បាល លៀនភ្នែក របួសយ៉ាងធ្ងន់ធ្ងរលើផ្លូវជាតិលេខ៥។ រថយន្តបង្កម៉ាក FUSO ពណ៌ខៀវពាក់ ស្លាកលេខ ភ្នំពេញ 3A-0082 បើកបរដោយឈ្មោះប៉ែន សារ៉ាត់ ភេទប្រុស អាយុ២៩ឆ្នាំ បម្រើការងារនៅក្រុមហ៊ុនMDS។ ចំណែកអ្នកជិះម៉ូតូរងគ្រោះទំាង៣នាក់មានឈ្មោះឡេង គឹមលុច ភេទប្រុស អាយ២២ឆ្នាំ ទី២-សោនសែន ភេទប្រុសអាយុ២៥ឆ្នាំ និង៣-ឈ្មោះកាក់ បឿ ភេទប្រុស អាយុ២៣ឆ្នាំ។ ទំាង៣នាក់មានទីលំនៅ ឃុំស្នាអន្សា ស្រុកក្រគរ។
នាយកការិយាល័យនគរបាលចរាចរណ៍ផ្លូវ គោកនៃស្នងការដ្ឋាននគរបាលខេត្តពោធិ៍សាត់ លោកវរសេនីយ៍ត្រីរស់ ចំរើន បានមានប្រសាសន៍ថា គ្រោះថ្នាក់ចរាចរណ៍ខាងលើនេះភាគច្រើនបណ្តាលមកពីអ្នកបើកបរបើកក្នុងល្បឿនលឿន និងស្រវឹងស្រា៕
ចែករំលែកព័តមាននេះ