ទូរទស្សន៍អាល់ហ្សា ហ្ស៊ីរ៉ា ដែលដកស្រង់ប្រភពព័ត៌មានមិនបញ្ចេញឈ្មោះមួយរាយការណ៍កាលពីថ្ងៃទី២២ សីហា ថា សាកសពមនុស្ស២នាក់ម្នាក់អាចជាសាកសពរបស់ខាមីសកាដាហ្វី កូនប្រុសម្នាក់របស់លោកអូអាម៉ា កាដាហ្វី និងសាកសពមួយទៀតជាសាកសពរបស់លោកអាប់ដាល់ឡាហ៍ អាល់សឺនូស៊ី ប្រមុខភ្នាក់ងារស៊ើបការណ៍លីប៊ី
ទូរទស្សន៍អាល់ហ្សា ហ្ស៊ីរ៉ា ដែលដកស្រង់ប្រភពព័ត៌មានមិនបញ្ចេញឈ្មោះមួយរាយការណ៍កាលពីថ្ងៃទី២២ សីហា ថា សាកសពមនុស្ស២នាក់ម្នាក់អាចជាសាកសពរបស់ខាមីសកាដាហ្វី កូនប្រុសម្នាក់របស់លោកអូអាម៉ា កាដាហ្វី និងសាកសពមួយទៀតជាសាកសពរបស់លោកអាប់ដាល់ឡាហ៍ អាល់សឺនូស៊ី ប្រមុខភ្នាក់ងារស៊ើបការណ៍លីប៊ីត្រូវបានរកឃើញ ។
លោកខាមីស កាដាហ្វី ជាមេបញ្ជាការរបស់កងទ័ពឯកភាពពិសេសនៃកងទ័ពលីប៊ីដែលពួកឧទ្ទាមវាយឱ្យបាក់ទ័ព ។ មុននេះពួកឧទ្ទាមលីប៊ីប្រកាសថា ចាប់ខ្លួនកូនប្រុស២នាក់របស់លោកកាដាហ្វី គឺកូនប្រុសទីមួយឈ្មោះម៉ូហាម៉េដ និងកូនប្រុសទី២ឈ្មោះសីអ៊ីហ្វ អាល់អ៊ីស្លាម តែទូរទស្សន៍អាល់ហ្សារីក្រោយមករាយការណ៍ថា ម៉ូហាម៉េដ ត្រូវបានរំដោះដោយពួកយោធាដែលស្មោះត្រង់នឹងលោកកាដាហ្វី ។ បន្ទាប់មកទៀត ស្រាប់តែមានរូបភាពនានាតាមទូរទស្សន៍បង្ហាញពីលោកសីអ៊ីហ្វអាល់អ៊ីស្លាម នៅមានសេរីភាព សើចសប្បាយក្នុងសណ្ឋាគារមួយនៃក្រុងទ្រីប៉ូលី។
លោកកាដាហ្វីមានប្រពន្ធ២ គឺប្រពន្ធទីមួយ ឈ្មោះហ្វាល់ ថាអាល់ នូរី (លែងលះគ្នា) ហើយភរិយាទី២គឺលោកស្រីសាហ្វីយ៉ា ហ្វា កាសហ៍ ជាភរិយានៅជាប់គ្នានាពេលបច្ចុប្បន្ន ។ លោកមានកូនប្រុសដល់ទៅ៩នាក់ និងកូនស្រី២នាក់ម្នាក់ជាកូនស្រីចិញ្ចឹម ។ កូនប្រុសលោកកាដាហ្វីទាំង៩នាក់គឺៈ ម៉ូហាម៉េដ , សីអ៊ីហ្វ អាល់អ៊ីស្លាម អាល់សាអាឌី ហានីបាល់ ម៉ូអាតេសេម ប៊ីលឡាល់ សាល់អាល់អារ៉ាប់ ខាមីស និងមីឡាដ ។ ចំណែកកូនស្រី២នាក់គឺនាងអាយេសា និងនាងហានណា (កូនស្រីចិញ្ចឹមដែលថា ស្លាប់ដោយសារការទម្លាក់គ្រាប់បែករបស់អាមេរិកកាលពីនាងនៅតូច)៕
ចែករំលែកព័តមាននេះ