រដ្ឋាភិបាលអេហ្ស៊ីបបានពិភាក្សានាថ្ងៃទី២២ សីហា ពីបញ្ហាអសន្តិសុខដែលកើតមាននៅតំបន់ស៊ីណៃអ៊ី ចំណែកមតិសាធារណៈរបស់ប្រទេសនេះទាមទារឱ្យមានការឆ្លើយតបវិញយ៉ាងម៉ឺងម៉ាត់ក្រោយការស្លា.ប់ប៉ូលិសអេហ្ស៊ីប៥នាក់ដោយសារកងទ័ពអ៊ីស្រាអែលនៅតាមព្រំដែនរវាងប្រទេសទាំង២ ។
រដ្ឋាភិបាលអេហ្ស៊ីបបានពិភាក្សានាថ្ងៃទី២២ សីហា ពីបញ្ហាអសន្តិសុខដែលកើតមាននៅតំបន់ស៊ីណៃអ៊ី ចំណែកមតិសាធារណៈរបស់ប្រទេសនេះទាមទារឱ្យមានការឆ្លើយតបវិញយ៉ាងម៉ឺងម៉ាត់ក្រោយការស្លាប់ប៉ូលិសអេហ្ស៊ីប៥នាក់ដោយសារកងទ័ពអ៊ីស្រាអែលនៅតាមព្រំដែនរវាងប្រទេសទាំង២ ។
ប៉ូលិសទាំងនេះត្រូវស្លាប់ពេលកងទាហានអ៊ីស្រាអែលតាមប្រមាញ់ពួកសកម្មប្រយុទ្ធដែលបានសម្លាប់ជនជាតិអ៊ីស្រាអែល៨នាក់ កាលពីថ្ងៃទី១៨ សីហា កន្លងមកនេះ នៅជិតក្រុងកំពង់ផែអីឡាតរបស់អ៊ីស្រាអែល។ យោងតាមអ៊ីស្រាអែលថា ពួកអ្នកវាយប្រហារចូលមកក្នុងទឹកដីខ្លួនកាត់តាមតំបន់ស៊ីណៃអ៊ីអេហ្ស៊ីដោយមកពីហ្គាហ្សា ។
ទីក្រុងគែរយល់ថា ការស្លាប់របស់ប៉ូលិសអេហ្ស៊ីបទាំង៥នាក់នេះ ធ្វើឱ្យប៉ះពាល់ដល់សន្ធិសញ្ញាសន្តិភាពអ៊ីស្រាអែល-អេហ្ស៊ីបឆ្នាំ១៩៧០ ហើយប្រកាសថា ខ្លួននឹងដកឯកអគ្គរដ្ឋទូតចេញពីអ៊ីស្រាអែលជាសញ្ញានៃការតវ៉ា ។ អ៊ីស្រាអែលបានសម្តែងពីការសោកស្តាយចំពោះរឿងនេះក៏ប៉ុន្តែមនុស្សជាច្រើននៅអេហ្ស៊ីបទាមទារឱ្យមានការដាក់ទណ្ឌកម្មនានា ។
មេដឹកនាំនយោបាយអេហ្ស៊ីបមួយក្រុមដែលរួមមានអតីតប្រមុខសម្ព័ន្ធអារ៉ាប់លោក អាម មូសា និងបេក្ខជនប្រធានាធិបតីអេហ្ស៊ីបដទៃៗទៀតបានស្នើកាលពីថ្ងៃទី២២ សីហាឱ្យមានការវិលត្រឡប់ជាបន្ទាន់របស់ឯកអគ្គរដ្ឋទូតអេហ្ស៊ីបមកកាន់ប្រទេសវិញ ពង្រឹងកងទ័ពនៅតំបន់ស៊ីណៃអ៊ី និងឱ្យមានទណ្ឌកម្មនានា ៕
ចែករំលែកព័តមាននេះ