ប្រភពជិតដិតនឹងការចរចារាយការណ៍ថា អ៊ីស្រាអែល និងក្រុមហាម៉ាស់ ប៉ាឡេស្ទីន ដែលត្រួតត្រាជ្រោយហ្គាហ្សា កាលពីថ្ងៃទី២២ សីហា បានព្រមព្រៀងលើបទឈប់បាញ់គ្នាមួយ បន្ទាប់ពីរយៈពេល៥ថ្ងៃ នៃការបាញ់គ្រាប់រ៉ុក្កែត និងការវាយប្រហារតាមអាកាសរបស់អ៊ីស្រាអែលមក។
អ្នកទទួលខុសត្រូវម្នាក់របស់ក្រុមហាម៉ាស់ ដែលចូលរួមក្នុងការចរចានិយាយថា ភាគីទាំង២ បានរកឃើញកិច្ចព្រមព្រៀងមួយ ដើម្បីឱ្យមានការឈប់បាញ់ និងថា បទឈប់បាញ់គ្នានេះ បានចាប់ផ្តើមហើយ។ អ្នកទទួលខុសត្រូវរូបនេះបញ្ជាក់ថា ក្រុមហាម៉ាស់បានយល់ព្រមធ្វើឱ្យមានការគោរពបទឈប់បាញ់គ្នា ចំពោះក្រុមសកម្មប្រយុទ្ធតូចៗ ដែលជាអ្នកទទួលខុសត្រូវលើការបាញ់គ្រាប់រ៉ុក្កែតភាគច្រើនមកលើអ៊ីស្រាអែលរយៈពេលប៉ុន្មានថ្ងៃចុងក្រោយនេះ ៕
ចែករំលែកព័តមាននេះ