អ្នកនាំពាក្យយោធាឧទ្ទាមលីប៊ីម្នាក់ លោកអាម៉េដ បានីអះអាងកាលពីថ្ងៃទី២២ សីហា ថា លោកខាមីស កាដាហ្វី កូនប្រុសទី៦របស់មេដឹកនាំលីប៊ីលោកមូអាម៉ា កាដាហ្វី អាចលាក់ខ្លួនក្នុងតំបន់ BAB AL AZIZIYA ក្រុងទ្រីប៉ូលី។ ក៏ប៉ុន្តែអ្នកនាំពាក្យរូបនេះបានបដិសេធពាក្យចចាមអារ៉ាម នានាអំពីការស្លា.ប់របស់លោកខាមីស។
អ្នកនាំពាក្យយោធាឧទ្ទាមលីប៊ីម្នាក់ លោកអាម៉េដ បានីអះអាងកាលពីថ្ងៃទី២២ សីហា ថា លោកខាមីស កាដាហ្វី កូនប្រុសទី៦របស់មេដឹកនាំលីប៊ីលោកមូអាម៉ា កាដាហ្វី អាចលាក់ខ្លួនក្នុងតំបន់ BAB AL AZIZIYA ក្រុងទ្រីប៉ូលី។ ក៏ប៉ុន្តែអ្នកនាំពាក្យរូបនេះបានបដិសេធពាក្យចចាមអារ៉ាម នានាអំពីការស្លាប់របស់លោកខាមីស។
ទន្ទឹមនឹងនេះលោកបានីគូសបញ្ជាក់ថា គេនៅពុំទាន់ដឹងថាតើពួកឧទ្ទាមលីប៊ីចាប់បានកូនប្រុសទី៣របស់លោកកាដាហ្វីឈ្មោះសាអាឌី ឬយ៉ាងណានៅឡើយ។ អ្នកនាំពាក្យរូបនេះក៏អះអាងផងដែរថា ៩៥%នៃរដ្ឋធានីលីប៊ីស្ថិតក្រោមការត្រួតត្រារបស់ពួកឧទ្ទាមដោយបន្តថា កងកម្លាំងឧទ្ទាមបានឡោមព័ទ្ធមជ្ឈមណ្ឌលទីបញ្ជាការរបស់លោកកាដាហ្វី BAB AL AZIZIYA។
ពួកឧទ្ទាមបានកាត់ផ្តាច់រយៈពេលជាច្រើនថ្ងៃនូវស្បៀង និងអគ្គិសនីនៅទីក្រុង SYRTE ជាទីក្រុងកំណើតរបស់មេដឹកនាំលីប៊ីត្រួតត្រាដោយរដ្ឋាភិបាល។ នៅលើរណសិរ្សខាងកើតកងទ័ពរបស់លោកកាដាហ្វីបានដកថយពីទីក្រុងប្រេងប្រេហ្គា។
ទូរទស្សន៍អាល់ហ្សាហ្ស៊ីរ៉ា រាយការណ៍កាលពីថ្ងៃទី២២ សីហា ថា លោកមូហាម៉េដ កាដាហ្វី កូនប្រុសម្នាក់ទៀតរបស់មេដឹកនាំលីប៊ីដែលពួកឧទ្ទាមឃុំឃាំងក្នុងនិវេសនដ្ឋានអាចរត់គេចខ្លួនរួចជាមួយជំនួយរបស់កងទាហានរដ្ឋាភិបាល។ អាល់ហ្សាហ្ស៊ីរ៉ាបញ្ជាក់ថា កងយោធាដែលស្មោះត្រង់បានជ្រៀតចូលក្នុងនិវេសនដ្ឋានជាកន្លែងឃុំខ្លួនលោកមូហាម៉េដ ហើយបានរំដោះរូបគេក្រោយការប៉ះទង្គិចគ្នាជាមួយពួកកងឆ្មាំការពារ ៕
ចែករំលែកព័តមាននេះ