អតីតនាយកដ្ឋានមន្ត្រីថៃ លោកថាក់ស៊ីន ស៊ីណាវ៉ាត់ត្រា បានទៅដល់ទីក្រុងតូក្យូ ប្រទេសជប៉ុនហើយ កាលពីថ្ងៃទី២២ សីហា ២០១១ បន្ទាប់ពីរាជរដ្ឋាភិបាលថៃថ្មីដឹកនាំដោយប្អូនស្រីពៅរបស់លោកនោះ បានចាប់ដំណើរការគោលការណ៍រាជរដ្ឋាភិបាល។
អតីតនាយកដ្ឋានមន្ត្រីថៃ លោកថាក់ស៊ីន ស៊ីណាវ៉ាត់ត្រា បានទៅដល់ទីក្រុងតូក្យូ ប្រទេសជប៉ុនហើយ កាលពីថ្ងៃទី២២ សីហា ២០១១ បន្ទាប់ពីរាជរដ្ឋាភិបាលថៃថ្មីដឹកនាំដោយប្អូនស្រីពៅរបស់លោកនោះ បានចាប់ដំណើរការគោលការណ៍រាជរដ្ឋាភិបាល។
តាមគេហទំព័រ NHK World របស់ជប៉ុនបានឱ្យដឹងថា លោកថាក់ស៊ីន បំពេញទស្សនកិច្ចរយៈពេល២ ឬ៣ថ្ងៃ នៅក្នុងទីក្រុងតូក្យូ។ អតីតនាយករដ្ឋមន្ត្រីថៃរូបនេះបាននិយាយថា «គាត់មានការរីករាយណាស់ ដោយបានមកបំពេញទស្សនកិច្ចក្នុងប្រទេសជប៉ុន»។ អំឡុងពេលទស្សនកិច្ចនេះគាត់នឹងថ្លែងសុន្ទរកថាមួយចំនួនហើយនឹងទស្សនកិច្ចទៅកាន់តំបន់រញ្ជួយដីកាលពីថ្ងៃទី១១ មីនា ២០១១ កន្លងមកនេះ។
គួរបញ្ជាក់ថា រដ្ឋាភិបាលជប៉ុនមិនអនុញ្ញាតឱ្យលោកថាក់ស៊ីន ចូលប្រទេសរបស់ខ្លួនជាង១ឆ្នាំមកហើយ។ ប៉ុន្តែរដ្ឋាភិបាលជប៉ុនបានផ្តល់ទិដ្ឋាការពិសេសសម្រាប់លោកថាក់ស៊ីន បន្ទាប់ពីមានសំណើពីរដ្ឋាភិបាលថៃថ្មីរបស់លោកស្រីយីងឡាក់ ស៊ីណាវ៉ាត់ត្រា នោះ ៕
ចែករំលែកព័តមាននេះ