អ្នកសង្កេតការណ៍ឥណ្ឌូណេស៊ីគឺជាតម្រូវការចាំបាច់ក្នុងតំបន់គ្មានយោធាដែលកំណត់ច្បាស់លាស់នៅជុំវិញប្រាសាទព្រះវិហារ ដើម្បីប្រតិបត្តិតាមបទបញ្ជារបស់តុលាការយុត្តិធម៌អន្តរជាតិ ។ នេះបើតាមការដកស្រង់ប្រសាសន៍របស់លោករដ្ឋមន្ត្រីការពារជាតិថៃ Yutthasak Sasiprapa ដែលបានថ្លែងកាលពីថ្ងៃទី២២ សីហា
អ្នកសង្កេតការណ៍ឥណ្ឌូណេស៊ីគឺជាតម្រូវការចាំបាច់ក្នុងតំបន់គ្មានយោធាដែលកំណត់ច្បាស់លាស់នៅជុំវិញប្រាសាទព្រះវិហារ ដើម្បីប្រតិបត្តិតាមបទបញ្ជារបស់តុលាការយុត្តិធម៌អន្តរជាតិ ។ នេះបើតាមការដកស្រង់ប្រសាសន៍របស់លោករដ្ឋមន្ត្រីការពារជាតិថៃ Yutthasak Sasiprapa ដែលបានថ្លែងកាលពីថ្ងៃទី២២ សីហា និងចេញផ្សាយដោយសារព័ត៌មានបាងកកប៉ុស្តិ៍ ។
លោកបន្តថា ការដាក់ពង្រាយអ្នកសង្កេតការណ៍អាស៊ានចូលក្នុងតំបន់នោះ មានក្នុងដីកាសម្រេចរបស់តុលាការយុត្តិធម៌អន្តរជាតិ ។ លោក Yutthasak បានថ្លែងកាលពីថ្ងៃចន្ទ ទី២២ សីហា ថា ការធ្វើដំណើរទៅកាន់តំបន់ព្រំដែននាពេលថ្មីៗនេះក៏បញ្ជាក់ដែរថា អ្នកសង្កេតការណ៍ឥណ្ឌូណេស៊ី ចាំបាច់ត្រូវតែមកត្រួតពិនិត្យការដកកងទ័ព ។
លោកបន្តថា លោកស្រីនាយករដ្ឋមន្ត្រី យីង ឡាក់ ស៊ីណាវ៉ាត្រា មិនទាន់បានបញ្ជាក់ពីផែនការធ្វើដំណើរទស្សនកិច្ចទៅកាន់ប្រទេសកម្ពុជា ដើម្បីជួបសម្តេចនាយករដ្ឋមន្ត្រី ហ៊ុន សែន នៅឡើយទេ។ លោកស្រីប្រហែលជាធ្វើដំណើរទស្សនកិច្ចទៅកាន់កម្ពុជា បន្ទាប់ពីកិច្ចប្រជុំ GBC ដែលគ្រោងរៀបចំឡើងក្នុងទីក្រុងភ្នំពេញ នាថ្ងៃខាងមុខនេះសិន៕
ចែករំលែកព័តមាននេះ