ខេត្តព្រៃវែង ៖ ហេតុការណ៍រថយន្តស៊ីទែនដឹកប្រេងបុកបង្កាន់ដៃស្ពានចុះផឹកទឹក បានកើតឡើងកាលពីថ្ងៃសៅរ៍ ទី២០ សីហា វេលាម៉ោង៤ និង៣៥នាទីរសៀលនៅលើផ្លូវជាតិលេខ១១ ស្ពានឈើទី៣ ស្ថិតក្នុងភូមិបារាយណ៍ខាងកើត សង្កាត់បារាយណ៍ ក្រុងព្រៃវែង។
ខេត្តព្រៃវែង ៖ ហេតុការណ៍រថយន្តស៊ីទែនដឹកប្រេងបុកបង្កាន់ដៃស្ពានចុះផឹកទឹកបានកើតឡើងកាលពីថ្ងៃសៅរ៍ ទី២០ សីហា វេលាម៉ោង៤ និង៣៥នាទីរសៀលនៅលើផ្លូវជាតិលេខ១១ ស្ពានឈើទី៣ ស្ថិតក្នុងភូមិបារាយណ៍ខាងកើត សង្កាត់បារាយណ៍ ក្រុងព្រៃវែង។
អ្នកបើកបំរុងបើករថយន្តឆ្លងកាត់ស្ពានឈើទី៣ ហើយជ្រុលទៅបុកបង្កាន់ដៃស្ពានបណ្តាលឱ្យក្បាលរថយន្តធ្លាក់ចុះទៅក្នុងទឹកបះគូទឡើងលើ។ បើតាមប្រភពព័ត៌មាននៅកន្លែងកើតហេតុមិនជាក់លាក់និយាយថា រថយន្តស៊ីទែនដឹកប្រេងឥន្ធនៈនោះរបស់ក្រុមហ៊ុន CHR តែអ្នកបើកបរមិនស្គាល់ឈ្មោះបានដឹកប្រេងពីអ្នកលឿងទៅខេត្តព្រៃវែង។ ពេលទៅដល់ចំណុចកើតហេតុស្រាប់តែរថយន្តរអិលកង់រេចង្កូតទៅបុករះបង្កាន់ដៃស្ពាន រួចហើយធ្លាក់ក្បាលរថយន្តចុះ
ខុសស្ពានធ្លាក់នៅក្នុងទឹក តែមិនបណ្តាលឱ្យអ្នកបើកបររងគ្រោះថ្នាក់ទេ។ ប្រេងសាំងចំនួន២៧.០០០លីត្រត្រូវក្រុមហ៊ុនបូមស្តារបានវិញ។
ប្រភពព័ត៌មានផ្សេងទៀតនិយាយថា ហេតុការណ៍នោះបណ្តាលមកពីអ្នកបើកបរងងុយដេក ខ្វះម្ចាស់ការ ឬខ្វះការប្រុងប្រយ័ត្នក្នុងការបើកបរទើបបានជាបណ្តាលឱ្យរថយន្តបុកបង្កាន់ដៃស្ពាន រួចធ្លាក់ទៅក្នុងទឹកដូច្នេះ។
ដោយឡែកឯប្រភពព័ត៌មានផ្សេងមួយទៀតនិយាយថា បណ្តាលមកពីរថយន្តនោះគេចពីរថយន្តកូរ៉េមួយគ្រឿងមកពីទិសផ្ទុយគ្នា ហើយរថយន្តកូរ៉េនោះបានចុះស្ពានមុន ៕
ចែករំលែកព័តមាននេះ