តាមព័ត៌មានឱ្យដឹងថា រដ្ឋាភិបាលប្រទេសអេស្ប៉ាញបានប្រកាសពីបទដ្ឋានដំឡើងពន្ធបន្ថែម រួមទាំងបង្ហើបឱ្យដឹងពីបទដ្ឋានជំរុញផ្នែកទីផ្សារអចលនទ្រព្យដែលកំពុងជួបការធ្លាក់ចុះនូវវិបត្តិហិរញ្ញវត្ថុវាយប្រហារក្នុងប្រទេស។
តាមព័ត៌មានឱ្យដឹងថា រដ្ឋាភិបាលប្រទេសអេស្ប៉ាញបានប្រកាសពីបទដ្ឋានដំឡើងពន្ធបន្ថែម រួមទាំងបង្ហើបឱ្យដឹងពីបទដ្ឋានជំរុញផ្នែកទីផ្សារអចលនទ្រព្យដែលកំពុងជួបការធ្លាក់ចុះនូវវិបត្តិហិរញ្ញវត្ថុវាយប្រហារក្នុងប្រទេស។
អ្នកនាំពាក្យរបស់រដ្ឋាភិបាលអេស្ប៉ាញថ្លែងថា រដ្ឋាភិបាលមានគម្រោងបង្កើនថវិការបន្ថែមចំនួន៥.០០០លានអឺរ៉ូ ដែលក្នុងចំនួននេះប្រហែលពាក់កណ្តាលបានមកពីការឱ្យក្រុមហ៊ុនធំ ដែលមានប្រាក់ទុនប្រកបអាជីវកម្មលើសពី២០លានអឺរ៉ូ ក្នុងមួយឆ្នាំ ត្រូវបង់ពន្ធបន្ថែម១% រហូតដល់ឆ្នាំ២០១៣។ ក្រៅពីនេះអាជ្ញាធរអេស្ប៉ាញប្រកាសកាត់បន្ថយពន្ធពីការលក់គេហដ្ឋានថ្មីពី៨% មកនៅ៤% រហូតដល់ដំណាច់ឆ្នាំ២០១១ ដើម្បីជំរុញទីផ្សារគេហដ្ឋាន និងអចលនទ្រព្យ។
គួរបញ្ជាក់ថា ប្រទេសអេស្ប៉ាញកំពុងទប់ទល់នឹងស្ថានភាពធ្លាក់ចុះផ្នែកសេដ្ឋកិច្ចដែលកើតឡើងជាង២ឆ្នាំកន្លងមក ពីស្ថានភាពអតិផរណាផ្នែកអចលនទ្រព្យ និងវិបត្តិហិរញ្ញវត្ថុនៅលើពិភពលោក រហូតធ្វើឱ្យប្រទេសមានបំណុលកើនខ្ពស់ និងអត្រាគ្មានការងារធ្វើឡើងដល់២១% ខ្ពស់បំផុតនៅតំបន់អឺរ៉ុប៕
ចែករំលែកព័តមាននេះ