ម៉ាស៊ីនឃោសនារុស្ស៊ីរាយការណ៍ថា មេដឹកនាំកូរ៉េខាងជើងលោកគីម ជុងអ៊ីលបានជិះរថភ្លើងពិសេសទៅដល់ទីក្រុងខាសាន នាភាគខាងកើតរុស្ស៊ីកាលពីថ្ងៃទី១៩ សីហា កន្លងមកនេះដើម្បីបំពេញទស្សនកិច្ចមួយនៅប្រទេសរុស្ស៊ី ។ នៅឯស្ថានីយរថភ្លើងលោកគីម ជុងអ៊ីល ត្រូវបានទទួលដោយបណ្តាមន្ត្រីរុស្ស៊ី ។ បន្ទាប់មកទៀតលោក
ម៉ាស៊ីនឃោសនារុស្ស៊ីរាយការណ៍ថា មេដឹកនាំកូរ៉េខាងជើងលោកគីម ជុងអ៊ីលបានជិះរថភ្លើងពិសេសទៅដល់ទីក្រុងខាសាន នាភាគខាងកើតរុស្ស៊ីកាលពីថ្ងៃទី១៩ សីហា កន្លងមកនេះដើម្បីបំពេញទស្សនកិច្ចមួយនៅប្រទេសរុស្ស៊ី ។ នៅឯស្ថានីយរថភ្លើងលោកគីម ជុងអ៊ីល ត្រូវបានទទួលដោយបណ្តាមន្ត្រីរុស្ស៊ី ។ បន្ទាប់មកទៀតលោកទៅកាន់ក្រុងអ៊ូឡាន អ៊ូដ ដែលនៅទីនោះលោកត្រូវជួបពិភាក្សាជាមួយប្រធានាធិបតីរុស្ស៊ី លោកឌីមីឌ្រី ម៉េដវេដេវ ។
ក្រុងព្យុងយ៉ាងរហូតមកទល់ពេលនេះនៅពុំទាន់ចេញផ្សាយព័ត៌មានណាមួយដែលទាក់ទិនដល់ទស្សនកិច្ចនេះនៅឡើយ ។ មន្ត្រីរុស្ស៊ីក៏បដិសេធមិនធ្វើអត្ថាធិប្បាយដែរ ។ ក៏ប៉ុន្តែទីភ្នាក់ងារព័ត៌មានកូរ៉េខាងត្បូង YONHAP បាយរាយការណ៍ពីទស្សនកិច្ចនេះដោយដកស្រង់សម្តីរបស់មន្ត្រីរដ្ឋាភិបាលមួយរូបដែលស្នើមិនបញ្ចេញឈ្មោះ ។
កាលពីរសៀលថ្ងៃទី២០ សីហា ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍ថា លោកគីម ជុងអ៊ីល នឹងទៅបំពេញទស្សនកិច្ចមួយនៅរុស្ស៊ី ។ KCNA រាយការណ៍ថា លោកគីម ជាប្រធានគណៈកម្មាធិការការពារជាតិកូរ៉េខាងជើងនឹងទៅបំពេញទស្សនកិច្ចមិនផ្លូវការមួយនៅតំបន់ស៊ីបេរីនិងតំបន់ចុងបូព៌ា រុស្ស៊ី តាមការអញ្ជើញរបស់លោកឌីមីឌ្រី ម៉េដវេដេវ ប្រធានាធិបតីរុស្ស៊ី ។ ក្នុងឱកាសនៃទស្សនកិច្ចនេះ មេដឹកនាំទាំង២នឹងជួបធ្វើការចរចាគ្នាមួយ ៕
ចែករំលែកព័តមាននេះ