ប្រធានាធិបតីភូមា លោក UTHEIN SEIN និងមេដឹកនាំប្រឆាំងភូមាដ៏ល្បីល្បាញ លោកស្រីអ៊ួង សាន់ស៊ូជី បានជួបពិភាក្សាគ្នាជាលើកដំបូងកាលពីថ្ងៃទី១៩ សីហា កន្លងមកនេះនៅឯខុទ្ទកាល័យប្រធានាធិបតីក្នុងរដ្ឋធានីណៃពិដោ។ នេះជាសេចក្តីរាយការណ៍របស់វិទ្យុ និងទូរទស្សន៍រដ្ឋភូមា។
ប្រធានាធិបតីភូមា លោក UTHEIN SEIN និងមេដឹកនាំប្រឆាំងភូមាដ៏ល្បីល្បាញ លោកស្រីអ៊ួង សាន់ស៊ូជី បានជួបពិភាក្សាគ្នាជាលើកដំបូងកាលពីថ្ងៃទី១៩ សីហា កន្លងមកនេះនៅឯខុទ្ទកាល័យប្រធានាធិបតីក្នុងរដ្ឋធានីណៃពិដោ។ នេះជាសេចក្តីរាយការណ៍របស់វិទ្យុ និងទូរទស្សន៍រដ្ឋភូមា។
ក្នុងឱកាសនោះ លោក U THEIN SEIN បានជម្រាបជូនលោកស្រីអ៊ួង សាន់ស៊ូជី ពីសកម្មភាពរបស់រដ្ឋាភិបាលក្នុងផលប្រយោជន៍របស់ប្រជាជាតិ និងប្រជាជន។ អ្នកទាំង២បានពិភាក្សាគ្នាពីទស្សនវិស័យនៃកិច្ចសហប្រតិបត្តិការដើម្បីភាពរុងរឿងរបស់ប្រជាជាតិ និងប្រជាជនដោយចាត់ទុកការខ្វែងគំនិតគ្នាឱ្យនៅមួយឡែក។
ការជួបគ្នានេះធ្វើឡើងមួយសប្តាហ៍ក្រោយការជួបគ្នាលើកទី២របស់លោកស្រីអ៊ួង សាន់ស៊ូជី ជាមួយរដ្ឋមន្ត្រីការងារ លោក U AUNG KYI កាលពីថ្ងៃទី១២ សីហា កន្លងមកនេះនៅទីក្រុងរ៉ង់ហ្គូន ជាការជួបគ្នាមួយអាចឈានទៅសម្រេចបានកិច្ចព្រមព្រៀងមាន៤ចំណុចមួយគឺ៖រួបរួមកម្លាំងគ្នាដើម្បីធ្វើការឱ្យមានស្ថេរភាព សន្តិភាពនិងការអភិវឌ្ឍន៍របស់ប្រទេស រួមសហការគ្នាដោយស្ថាបនាដើម្បីការអភិវឌ្ឍន៍សេដ្ឋកិច្ច និងសង្គម និងដល់ការពង្រីកប្រព័ន្ធប្រជាធិបតេយ្យ ផាត់ទុកមួយឡែកនូវបណ្តាការខ្វែងគំនិតគ្នាដើម្បីរួមសហការដោយឈរលើមូលដ្ឋាននៃការយោគយល់គ្នាទៅវិញទៅមក និងបន្តការចរចា។ ការជួបគ្នាដំបូងរវាងលោក U AUNG KYI និងលោកស្រីអ៊ួង សាន់ស៊ូជី ធ្វើឡើងកាលពីថ្ងៃទី២៥ កក្កដា តាមការអញ្ជើញរបស់រដ្ឋាភិបាល។
ប្រធានាធិបតីភូមាបានស្នើឱ្យមានការចរចាមួយនាថ្ងៃទី២៤ សីហា ជាមួយបណ្តាក្រុមប្រដាប់អាវុធជនជាតិភាគតិចប្រឆាំងនឹងរដ្ឋាភិបាល និងបណ្តាពួកប្រឆាំងទាំងខាងក្នុង ទាំងខាងក្រៅប្រទេសដោយជំរុញពួកគេឱ្យរួមសហការជាមួយរដ្ឋាភិបាលដើម្បីគោលដៅរួមក្នុងផលប្រយោជន៍របស់ជាតិ ៕
ចែករំលែកព័តមាននេះ