ជនជាតិប៉ាឡេស្ទីន៥នាក់ក្នុងនោះមានប្រមុខក្រុមប្រដាប់អាវុធមួយបានត្រូវស្លា.ប់កាលពីថ្ងៃទី១៨ សីហា ក្នុងការវាយប្រហារតាមអាកាសមួយរបស់អ៊ីស្រាអែលលើជ្រោយហ្គាហ្សាប៉ុន្មានម៉ោងប៉ុណ្ណោះបន្ទាប់ពីអ៊ីស្រាអែលចោទប្រកាន់ ពួកសកម្មប្រយុទ្ធប៉ាឡេស្ទីនថា ជាអ្នកទទួលខុសត្រូវលើការវាយប្រហារទាំងឡាយដែលសម្លា.ប់
ជនជាតិប៉ាឡេស្ទីន៥នាក់ក្នុងនោះមានប្រមុខក្រុមប្រដាប់អាវុធមួយបានត្រូវស្លាប់កាលពីថ្ងៃទី១៨ សីហា ក្នុងការវាយប្រហារតាមអាកាសមួយរបស់អ៊ីស្រាអែលលើជ្រោយហ្គាហ្សាប៉ុន្មានម៉ោងប៉ុណ្ណោះបន្ទាប់ពីអ៊ីស្រាអែលចោទប្រកាន់ ពួកសកម្មប្រយុទ្ធប៉ាឡេស្ទីនថា ជាអ្នកទទួលខុសត្រូវលើការវាយប្រហារទាំងឡាយដែលសម្លាប់ជនជាតិអ៊ីស្រាអែល៧នាក់ មុននេះបន្តិចនៅភាគខាងត្បូងអ៊ីស្រាអែល ។
លោកអាវ៉ាដ អាល់ ណាអ៊ីរ៉ា ប្រមុខគណៈកម្មាធិការតស៊ូប្រជាជនស្មោះត្រង់នឹងក្រុមហាម៉ាស់ដែលត្រួតត្រាជ្រោយហ្គាហ្សានិយាយថា សមាជិក៣នាក់របស់ក្រុមលោក និងកុមារអាយុ៣ឆ្នាំម្នាក់បានត្រូវស្លាប់ក្នុងវាយឆ្មក់តាមអាកាសនោះសំដៅលើគេហដ្ឋានមួយនៅភាគខាងត្បូងក្រុងរ៉ាហ្វាហ៍ ជាប់ព្រំដែនជាមួយឧបទ្វីបស៊ីណៃអ៊ីរបស់អេហ្ស៊ីប ។
អ៊ីស្រាអែលបានចោទប្រកាន់គណៈកម្មាធិការតស៊ូប្រជាជននេះថា ជាអ្នកចូលរួមក្នុងវាយប្រហារមួយចំនួនកាលពីថ្ងៃទី១៨ សីហា ក្នុងទីក្រុងកម្សាន្តមាត់សមុទ្រអីឡាត ភាគខាងត្បូងអ៊ីស្រាអែល ។ កាលពីថ្ងៃទី១៨ សីហា ចលនាអ៊ិស្លាមហាម៉ាស់ថ្លែងថា ខ្លួនពុំមែនជាអ្នកទទួលខុសត្រូវចំពោះការវាយប្រហារលើប្រទេសអ៊ីស្រាអែលបណ្តាលឱ្យមនុស្សស្លាប់៧នាក់នោះ ឡើយ ក៏ប៉ុន្តែបានសន្យាពីការឆ្លើយតបវិញប្រសិនបើអ៊ីស្រាអែលវាយប្រហារសងសឹកលើជ្រោយហ្គាហ្សា ៕
ចែករំលែកព័តមាននេះ