ប្រភពព័ត៌មានជាផ្លូវការរាយការណ៍កាលពីថ្ងៃទី១៨ សីហា ថា មានដាននានានៃសមាសភាពវិទ្យុសកម្មត្រូវបានរកឃើញក្នុងក្រពេញទីរ៉ូអ៊ីតរបស់កុមារប្រមាណជា៤៥% នៃទីក្រុងទាំងឡាយដែលស្ថិតនៅក្បែរមជ្ឈមណ្ឌលនុយក្លេអ៊ែរជួបគ្រោះថ្នាក់ហ្វូគូស៊ីម៉ាក្រោយការត្រួតពិនិត្យនានាមក ។
ប្រភពព័ត៌មានជាផ្លូវការរាយការណ៍កាលពីថ្ងៃទី១៨ សីហា ថា មានដាននានានៃសមាសភាពវិទ្យុសកម្មត្រូវបានរកឃើញក្នុងក្រពេញទីរ៉ូអ៊ីតរបស់កុមារប្រមាណជា៤៥% នៃទីក្រុងទាំងឡាយដែលស្ថិតនៅក្បែរមជ្ឈមណ្ឌលនុយក្លេអ៊ែរជួបគ្រោះថ្នាក់ហ្វូគូស៊ីម៉ាក្រោយការត្រួតពិនិត្យនានាមក ។
មន្ត្រីមួយរូបបញ្ជាក់ថា ការប្រមូលផ្តុំនៃសារធាតុអ៊ីយ៉ូដមានវិទ្យុសកម្មត្រូវបានពិនិត្យឃើញក្នុងឱកាសនៃការធ្វើតេស្តកាលពី៥ខែមុន ក្នុងតំបន់ទីក្រុងហ្វូគូស៊ីម៉ា (ភាគឦសាន)ក៏ប៉ុន្មានវាមិនមានគ្រោះថ្នាក់អ្វីទេដល់សុខភាព ។ មន្ត្រីនោះដែលស្នើមិនបញ្ចេញឈ្មោះនិយាយប្រាប់ AFP ថា ជំហរផ្លូវការរបស់រដ្ឋាភិបាលគឺថាពុំមានកុមារណាម្នាក់ក្នុងចំណោមកុមារត្រូវធ្វើតេស្តបង្ហាញពីកម្រិតមានបញ្ហានៃការបំពុលដោយវិទ្យុសកម្ម ។
ក្រុមអ្នកជំនាញការរបស់រដ្ឋាភិបាលមួយក្រុមបានធ្វើការត្រួតពិនិត្យលើកុមារចំនួន១.១៤០នាក់មានអាយុក្រោម១៥ឆ្នាំ ២សបា្តហ៍ក្រោយការរញ្ជួយដី និងស៊ូណាមីកាលពីថ្ងៃទី១១ មីនា ដែលញ៉ាំងឱ្យមានការលេចធ្លាយចេញវិទ្យុសកម្មពីមជ្ឈមណ្ឌលនុយក្លេអ៊ែរហ្វូគូស៊ីម៉ា ។ សរុប៤៤,៦% នៃកុមារ១.០៨០នាក់ដែលគេធ្វើតេស្តមានវត្តមាននៃការបំពុលវិទ្យុសកម្មនៅក្នុងក្រពេញទីរ៉ូអ៊ីត ដែលក្នុងក្រពេញនេះវិទ្យុសកម្ម ជាទូទៅច្រើនទៅនៅទីនោះដោយបង្កើនគ្រោះថ្នាក់នៃជំងឺមហារីកមួយនាពេលខាងមុខ ។
ក៏ប៉ុន្តែយោងតាមមន្ត្រីនេះថា ពុំមានកុមារណាម្នាក់ក្នុងចំណោមកុមារទាំងឡាយដែលទទួលការធ្វើតេស្តត្រូវរងវិទ្យុសកម្មលើសពីបទដ្ឋានដែលកំណត់ដោយគណៈកម្មាធិការសន្តិសុខ នុយក្លេអ៊ែរជប៉ុន (០,២ MICROSIEVERT ក្នុងមួយម៉ោង) ជាកម្រិតមួយទាមទារឱ្យមានការពិនិត្យវេជ្ជសាស្ត្រដោយស៊ីជម្រៅមួយឡើយ៕
ចែករំលែកព័តមាននេះ