ខេត្តបន្ទាយមានជ័យ ៖ យុវជនម្នាក់ដែលធ្លាប់តែដេកស៊ីបាយនៅផ្ទះឪពុកមា បានក្បត់សេចក្តីទុកចិត្តយកម៉ូតូរបស់គាត់ទៅលក់ យកលុយសងថ្លៃជំពាក់គេ ឯលុយសល់ប៉ុន្មានយកដើរស៊ីចាយខ្ទេច ទីបំផុតត្រូវនគរបាលស្រុកព្រះនេត្រព្រះចាប់ឃាត់ខ្លួន កាលពីវេលាម៉ោង១០យប់ថ្ងៃទី១៧ សីហា ២០១១ នៅភូមិត្បែង ឃុំបុស្បូវ
ខេត្តបន្ទាយមានជ័យ ៖ យុវជនម្នាក់ដែលធ្លាប់តែដេកស៊ីបាយនៅផ្ទះឪពុកមា បានក្បត់សេចក្តីទុកចិត្តយកម៉ូតូរបស់គាត់ទៅលក់ យកលុយសងថ្លៃជំពាក់គេ ឯលុយសល់ប៉ុន្មានយកដើរស៊ីចាយខ្ទេច ទីបំផុតត្រូវនគរបាលស្រុកព្រះនេត្រព្រះចាប់ឃាត់ខ្លួនកាលពីវេលាម៉ោង១០យប់ថ្ងៃទី១៧ សីហា ២០១១ នៅភូមិត្បែង ឃុំបុស្បូវ ស្រុកព្រះនេត្រព្រះ ។ ម្ចាស់ម៉ូតូឈ្មោះឥន ផែន ភេទប្រុស អាយុ៥០ឆ្នាំ នៅភូមិត្រប់ ឃុំអំពិល ស្រុកបន្ទាយអំពិល ត្រូវជាឪពុកមាជនសង្ស័យខាងលើ។
មន្ត្រីនគរបាលស្រុកព្រះនេត្រព្រះបានឱ្យដឹងថា ជនរំលោភលើសេចក្តីទុកចិត្តហ៊ានយកម៉ូតូឪពុកមាទៅលក់នេះឈ្មោះស៊ុម ស៊ីធី ភេទប្រុស អាយុ២៦ឆ្នាំ រស់នៅក្នុងភូមិ-ឃុំកន្លែងចាប់ខ្លួនខាងលើ ។
ក្រោយពេលចាប់ខ្លួនជននេះបានឆ្លើយសារភាព ថា ៣ថ្ងៃមុន (១៤ សីហា ២០១១) គេសុំខ្ចីម៉ូតូឪពុកមាគេ ឈ្មោះផែន ម៉ាកស្មាស់រីវ៉ូ គ្មានស្លាកលេខ និងពន្ធ ជិះមកឃុំបន្ទាយឆ្មារ ស្រុកថ្មពួក។ ពេលនោះដើម្បីឱ្យឪពុកមាគេទុកចិត្ត គេឱ្យកូនប្រុសរបស់ឪពុកមាឈ្មោះវិត មកជាមួយ។ ពេលមកដល់ឃុំបន្ទាយឆ្មារ ជនសង្ស័យបានផ្ញើកូនប្រុសគាត់ជាមួយមីងរបស់គេនៅទីនោះ ដោយប្រាប់ថា យកម៉ូតូមកចាក់សាំង រួចក៏ជិះមកលក់នៅឃុំអូរប្រាសាទ ស្រុកមង្គលបុរី ក្នុងតម្លៃ៨.៤០០បាត។ ក្រោយពីបានលុយ ជនសង្ស័យសងគេអស់ចំនួន៤.៥០០បាត សល់ប៉ុន្មានយកដើរស៊ីចាយអស់ រួចត្រឡប់មកផ្ទះក៏ត្រូវនគរបាលចាប់ឃាត់ខ្លួនតែម្តង ៕
ចែករំលែកព័តមាននេះ