ការបង្ក្រាបនៅបន្តទៀតក្នុងប្រទេសស៊ីរី។ កាលពីថ្ងៃទី១៧ សីហា ជនស៊ីវិល១០នាក់បានត្រូវស្លា.ប់ក្នុងប្រទេសនេះ ។ នៅទីក្រុងកំពង់ផែ LATTAQUIE មនុស្សជាច្រើនរយនាក់ត្រូវចាប់ខ្លួន ហើយនាំទៅឃុំទុកក្នុងស្តាតមួយនាថ្ងៃទី៥ នៃការបង្ក្រាបរបស់កងទ័ពស៊ីរីក្នុងសង្កាត់ស៊ុននីត ទាំងឡាយនៃទីក្រុងមាត់សមុទ្រនោះដែលមានការបះបោរប្រឆាំង
ការបង្ក្រាបនៅបន្តទៀតក្នុងប្រទេសស៊ីរី។ កាលពីថ្ងៃទី១៧ សីហា ជនស៊ីវិល១០នាក់បានត្រូវស្លាប់ក្នុងប្រទេសនេះ ។ នៅទីក្រុងកំពង់ផែ LATTAQUIE មនុស្សជាច្រើនរយនាក់ត្រូវចាប់ខ្លួន ហើយនាំទៅឃុំទុកក្នុងស្តាតមួយនាថ្ងៃទី៥ នៃការបង្ក្រាបរបស់កងទ័ពស៊ីរីក្នុងសង្កាត់ស៊ុននីត ទាំងឡាយនៃទីក្រុងមាត់សមុទ្រនោះដែលមានការបះបោរប្រឆាំងលោកប្រធានាធិបតីបាចាអាល់អាសាដ។
កងយោធាគាំទ្រដោយរថក្រោះបានធ្វើអន្តរាគមន៍ចូលក្នុងសង្កាត់អាល់រ៉ាមល៍ អាល់ហ្វី លីស្ទីនី កាលពីចុងសប្តាហ៍កន្លងមកនេះ ។ កងទ័ពបានបង្កើនប្រតិបត្តិការរបស់ខ្លួនក្នុងសង្កាត់ពាណិជ្ជកម្មសំខាន់ៗចាប់តាំងពីចាប់ផ្តើមរដូវបុណ្យអ៊ិស្លាមរ៉ាម៉ាដាន ពីថ្ងៃទី១ សីហា មក។
ក្រុង LATTAQUIE ដែលមានពួកស៊ីអ៊ីតជាសហគមន៍របស់លោកប្រធានាធិបតីអាសាដ ភាគតិច គឺជាទីតាំងយុទ្ធសាស្ត្រមួយសម្រាប់ប្រធានាធិបតីរូបនេះដែលគ្រួសារ និងសាច់ញាតិរបស់លោកគ្រប់គ្រងតាំងពីយូរមកហើយនូវសកម្មភាពពាណិជ្ជកម្ម និងកំពង់ផែ។ នាពេលយប់ កងកម្លាំងសន្តិសុខបានបាញ់គ្រាប់ពិត ដើម្បីបំបែកបាតុករ២.០០០នាក់ ដែលប្រមូលផ្តុំគ្នានៅមុខព្រះវិហារអាល់ហ៊ូសេន ។ ក្នុងទីក្រុងកំពង់ផែនេះភ្នាក់ងារសន្តិសុខចំនួន៧០០នាក់ បានលុកឆែកឆេរក្នុងសង្កាត់អាល់រ៉ាមល៍ហ្សូនូមី ដែលនៅទីនោះពួកគេបានចាប់ខ្លួនពួកសកម្មជនជាច្រើននាក់ទៅតាមបញ្ជីឈ្មោះដែលត្រូវចាប់ខ្លួន។
ក្រោយទិវាថ្មីនៃការបង្ក្រាបនោះ ប្រធានាធិបតីលោកបាចា អាល់អាសាដ អះអាងថា ប្រទេសរបស់លោកនឹងនៅតែខ្លាំងប្រឈមមុខចំពោះការគាបសង្កត់របស់សហគមន៍អន្តរជាតិ។ លោកថ្លែងបែបនេះក្នុងកិច្ចប្រជុំដំបូងរបស់គណៈកម្មាធិការកណ្តាលគណបក្ស BAAS តាំងពីចាប់ផ្តើមកើតមានការបះបោរពីថ្ងៃទី១៥ មីនាមក ៕
ចែករំលែកព័តមាននេះ