ក្រុមចម្រុះប្រឆាំងយេម៉ែនបានប្រកាសកាលពីថ្ងៃទី១៧ សីហា ពីការបង្កើតក្រុមប្រឹក្សាជាតិសម្រាប់កងកម្លាំងបដិវត្តន៍ដោយសន្តិវិធីសំដៅប្រមូលផ្តុំកម្លាំងផ្សេងៗក្នុងទូទាំងប្រទេស ដើម្បីផ្តួលរំលំលោកប្រធានាធិបតីអាលី អាប់ឌុលឡាហ៍ សាឡេហ៍ ។ លោកម៉ូហាម៉េដ បាស៊ីនដ៏វ៉ាហ៍ ប្រធានគណៈកម្មាធិការជាតិនៃការជួបគ្នា
ក្រុមចម្រុះប្រឆាំងយេម៉ែនបានប្រកាសកាលពីថ្ងៃទី១៧ សីហា ពីការបង្កើតក្រុមប្រឹក្សាជាតិសម្រាប់កងកម្លាំងបដិវត្តន៍ដោយសន្តិវិធីសំដៅប្រមូលផ្តុំកម្លាំងផ្សេងៗក្នុងទូទាំងប្រទេស ដើម្បីផ្តួលរំលំលោកប្រធានាធិបតីអាលី អាប់ឌុលឡាហ៍ សាឡេហ៍ ។
លោកម៉ូហាម៉េដ បាស៊ីនដ៏វ៉ាហ៍ ប្រធានគណៈកម្មាធិការជាតិនៃការជួបគ្នាចម្រុះរបស់បណ្តាគណបក្សចម្រុះប្រឆាំង JMP ថ្លែងទៅកាន់ក្រុមអ្នកកាសែតថា ក្រុមប្រឹក្សានេះរួមមានតំណាង ១.០០០រូបរបស់គ្រប់កម្លាំងប្រឆាំងទាំងអស់ ។ ក្រុមប្រឹក្សាជាតិនេះគឺជាលទ្ធផលនៃការខិតខំប្រឹងប្រែងរយៈពេលជាច្រើនខែរបស់ JMP និងបណ្តាដៃគូ ដើម្បីប្រមូលផ្តុំក្រុមប្រឆាំងផ្សេងៗ ។ លោកក៏បានថ្កោលទោសដែរ ចំពោះឥរិយាបថរបស់សហរដ្ឋអាមេរិកនិងអ.ស.បចំពោះបដិវត្តន៍ដោយសន្តិវិធីរបស់ពួកយុវជនយេម៉ែន ។
ក្រសួងការបរទេសអាមេរិកបានបដិសេធកាលពីថ្ងៃទី១៦ សីហា កន្លងមកនេះមិននិយាយថា តើរដ្ឋាភិបាលអាមេរិកគាំទ្រ ឬប្រឆាំងចំពោះគម្រោងរបស់លោកប្រធានាធិបតីសាឡេហ៍ វិលមកកាន់ប្រទេសវិញដោយគ្រាន់តែស្នើដល់ប្រធានាធិបតីរូបនេះចុះហត្ថលេខាលើកិច្ចព្រមព្រៀងផ្ទេរអំណាចមួយដែលមុននេះផ្តួចផ្តើមឡើងដោយក្រុមប្រឹក្សាកិច្ចសហប្រតិបត្តិការឈូងសមុទ្រ CCG តែប៉ុណ្ណោះ ។
តំណាងពួកប្រឆាំងទាំង១០០០រូបបាន ជ្រើសរើសសមាជិកដឹកនាំក្រុមប្រឹក្សានេះចំនួន១៤៣រូប ។ រដ្ឋាភិបាលយេម៉ែនធ្លាប់បានព្រមាន JMP កុំឱ្យប្រកាសបង្កើតក្រុមប្រឹក្សាមួយបែបនេះដោយចាត់ទុកថា នេះជាការបង្កើតរដ្ឋក្នុងរដ្ឋ ដែលអាចបង្កឱ្យមានសង្គ្រាមស៊ីវិល ៕
ចែករំលែកព័តមាននេះ